اللي يهمه كلامي يسمع الاقتراح ننشي وزارة نسميها حقوق الصديق

كتب بيت الأسبوع الماضي الشاعر خالد البيضاني من القصيم والذي يقول:
اللي يهمه كلامي يسمع الاقتراح
ننشي وزارة نسميها حقوق الصديق
وهذا صدى الشعراء:
حتى تِعلّم بعَضنا عن أصول النجاح،
مع الصديق الذي يِنْعدّ مثل الشقيق.
في هالحياة اللي اكثرها جهاد وكفاح،
وبلا صديقٍ شفيقٍ ما نعَبْر الطريق.
ترى صديقك مع الايام مثل السلاح،
ينفعك في حزةٍ ينشف بها كل ريق.
محمد مقحم المقحم - الرياض.
ترى الصداقه وفا ماهي فقط للمزاح
تبين في كل موقف صعب والا بضيق
ما كل برق وفي لوكان بالجو لاح
وما كل من سار ياصل لويطول الطريق
صديقك ان كان ماشلته وقع ثم طاح
ومن لا وقف مع صديقه مايسمى صديق
علي الرشيد - رياض الخبراء
اللي معك ياشيخ بافراح و اتراح
هذا يسمى يا جماعه صديق
ماجا منه غير السعاده و الافراح
ماجودفي وقت السعه والمضيق
تاجد معه بالقلب كُل انشراح
يمشي معك حتى ختام الطريق
محمد عبدالله الشهري - مكة المكرمة
كل يعيش بحالته والدنيا سماح
والى بغيت الصدق ماشي يعيق
عليك بلي يسعد الصدر انشراح
صديق واحد يغنيك عن جملة فريق
تحفظ حقوقه والخوي فيه ارتياح
وحق الصداقه له قوانين تليق
وين الصديق الي من طيور الفلاح
لا ما تغير خاطره ولا عمره يضيق
حمد عبدالله الوايلي - حوطة سدير
اي اقتراح له قبولٍ وانشراح
دام الهدف اعلا من حق الرفيق
ون وصل وزارةٍ يبغا سماح
مِن ولي الأمر او مصدر وثيق
واقتراح أبذا الكبر مابه مزاح
ابحاجةٍ للدرس والبحث العميق
سعود عائش الحربي - جده
بيت الأسبوع
كتب بيت الأسبوع الشاعر: حمد عبدالله الوايلي من حوطة سدير ويقول:
نطرد ورى الدنيا عسى فالنا فال
لاهين ماندري متى الحق ياتي
نستقبل صدى البيت المطروح خلال ثلاث ايام من نشر البيت المطروح
على إيميل الصفحة:
rb-khozama@alriyadh.com