اللغز

كان كاتب لغز الاسبوع الماضي الشاعر سالم الحربي من الرياض والذي يقول:
ويش بنت شأنها شأن كبير
ماتصير الا مع كبار البخوت
في حشاها ورع مجهول المصير
مايتكلم كود هالعذرا تموت
وقد توصل للحل شعرا:
واضح ياسالم وضوح كبير
داخل اللي كنها من وصف حوت
ببطنها الصندوق الاسود والصغير
يحفظ التسجيل و الرحله بسكوت
فيصل بن فهد السبيعي
مرحبا واهلين ريحتها عبير
فالخرامى للتشاما ما تموت
طائره وسط السما ألها مسير
ورعها الصندوق الأسود في ثبوت
مقرن بن متعب الهرف - الرياض
سالم الحربي بنى لغز مثير
من بيوته واضحه كل النعوت
طائره بالجو نسمع له صفير
داخله صندوق الاسود مايموت
علي رشيد الرشيد – رياض الخبراء
مرحبا بك عد ماطائر يطير
مرحبا والحل لا يمكن يفوت
الطيارة حل لغزك ي بصير
داخله صندوق قبل لاتموت
محمد ابودحيم - البدائع
طايره والطايره شان كبير
واسود الصندوق يصرخ باعلى صوت
قدرت الله هاكذا صار المصير
اسمعوني والحقيقه لاتفوت
فلاح بن مطر بن جميعان - القريات
في خزامى روض ازهار وغدير
ورمعتي سهم (ن) ولغزك مايفوت
مرحبا سالم وحلي ذا الصغير
اسود الصندوق وطياره بصوت
فزاع الشمري - حائل
مرحبا في مرحبا مارف طير
وعد مايسمع مع الاذان صوت
وحل لغزك ياولد ماهو عسير
هقوتي صندوق اسود مايموت
احمد بن ناصر المحرج - الرياض
قلت لك صندوقٍ اسود ترى حجمه صغير
مركبه في الطايره مايركب في البيوت
للحوادث صممه واحد(ن) فعلن خبير
كان صارت مشكله قال من بعد السكوت
سعد صنهات السهلي - الدرعية
يامرحبا تعداد ما طائر يطير
وعد ماتغرد طيور بكل صوت
اللغز يا سالم مبرمج بتعبير
البنت طيارة وورعه مايموت
فالح غازي الحربي - رياض الخبراء
مرحبا حييت يا سالم بخير
والتحيه تاصلك شرهة بشوت
لغزك اللي جبت صندوقٍ يطير
سجل اللي قاله الكبتن بصوت
صلاح اليابس - الدمام
راكب اللي راسمه خط المسير
والخواجه صانعه علم ثبوت
وان حصل للطايره حادث خطير
علم الصندوق بعد امه تموت
خليف فهيد الحربي - الرياض
جاك حل اللغز من رجل بصير
وهو اهون عندي من لعب البلوت
الطيارة فوق مدرجها تسير
كان طاحت الله يرحم من يموت
حبيب بن فريح الشامي - البدائع
شفت بنتك فوق بالاجوا تطير
وقلت هذا اللي قصد راع البيوت
وان حصل للطايرة حادث خطير
سجل الصندوق الاسود كل صوت
عبدالعزيز الصالح - حائل
طائرة يختارها تاجر كبير
يملك أموال وعقارات وبيوت
في حشاها شوف صندوقٍ صغير
مسجلٍ أخبارها صورة وصوت
عبداللطيف الحُمَيَّانِي - عنيزة
كما توصل للحل نثرا
عقلاء بن مثقال العبدلي
لغز الأسبوع
كتبه للصفحة الشاعر سعد صنهات السهلي من الدرعية ويقول:
ويش رجلن يرفع الضغط والعالم تبيه
البشر كل البشر عنه ماتقوى الغناة
الاوادم ترغبه بس ماادري ويش فيه
له مهمه لازمه مايحققها سواه
نستقبل الحلول عبر الايميل:
rb-khozama@alriyadh.com
أو الفاكس: 0114871070
كما نرحب بطرح الألغاز الجيدة