اللغز

كان كاتب لغز الاسبوع الماضي الشاعر سعد صنهات السهلي من الدرعية الذي يقول:
انا بنشدك عن رجل من الحرمه ترى ينحاش
ولو حاولت تجمعهم ترى مانته بجامعهم
اذا ما وجهت يمه يقفي كن فيه اخراش
انا قلت الرموز الواضحه للي يدورهم
وقد توصل للحل شعرا
الا يامرحبا باللي امو المرجلة له حاش
نحل اللغز ونشارك مع الاصحاب انا معهم
اقول الحل هو ظل تجيه الشمس دون هواش
تجيه بعزم ثم يرحل والى جاء الليل يقطعهم
علي الرشيد - رياض الخبراء
هلا يا مرحبا ترحيبة التاجر بشوف الكاش
بلغز شاقني طرقه وانا الالغاز عاشقهم
هذاك الظل ياصنهات مايبغى لها منقاش
وصفحة لغزنا تحيا ويحيا اللي يشجعهم
احمد بن ناصر المحرج - الرياض
ياسعد لغزك الجيد لو ينشري شريته كاش
الشمس تلاحق الفيه والا احد يقدر يمنعهم
لغزك عبره الاهية للفائدة يفداك اللاش
نعم برجال الخزامى الله بالخير يذكرهم
محمد ابودحيم - البدائع
يامرحبا بك يا شعد والورد يفرش لك فراش
عندي رمعه وابقوله الظل وشمس رمعتهم
ظل نعمه والشمس آية حتى لو انك تحت عشاش
سبحان الله وبحمده سبحان اللي مكونهم
ابراهيم حبيب الحربي - البدائع
هلا يا مرحبا ترحيبةٍ تطفي لهيب الجاش
لكل اصحابنا واللي قرى الصفحة متابعهم
تراه الظل ما غيره وبالفيّه فرشت فراش
وظل الشمس بالحاره تعدى وصْل شارعهم
صلاح بن عبدالله اليابس - رحيمة
لابن صنهات ياعادي تبلغه التحيه كاش
ورمعة لغزه الظل والفهيم اليوم ذاكرها
وكان الرمعه ما جابت عدنا ما عرفنا ماش
نعيد الرمعه برمعه ولا شفنا خسايرها
عبدالكريم الراشد التميمي - الغزالة
لغز الأسبوع
كتبه الشاعر نايف عبدالهادي السيحاني من شقراء ويقول:
انا بنشدك عن رجل الا منك مسكته طار
والا شفته يطير مع الطيور اللي مع اللجه
ولا له عند بعض الناس لا حشمه ولا مقدار
وبعض الناس ترغب فيه واتحبه مع الصجه
نستقبل الحلول عبر الايميل rb-khozama@alriyadh.com او الفاكس 014871070
كما نرحب بطرح الألغاز الجيدة