اللغز

كان كاتب لغز الاسبوع الماضي الشاعر نايف عبدالهادي السيحاني من شقراء الذي يقول:
انا بنشدك عن بنت تعيش ببحرها المحدود
واذا نش البحر عنها توفت مالها باقي
وهي في بحرها مع بحرها في بطن ابوها العود
جميع الخلق تكبر مير هي تصغر وتنعاقي
وجعها دايم في راسها ما تحتمل للنود
مطاولها الوجع يوم الوجع للجسم سراقي
وقد توصل للحل شعرا
هلا يامرحبا ترحيبة يفرح لها المضهود
معد اللغز واللي قال لغزه زين الاوثاقي
وانا حليت لغزك وابن محرج ما عليه يكود
فتيله للسراج ولا نبي نشرح لك الباقي
احمد بن ناصر المحرج - الرياض
صدق من قال فيه لغوز تطرب يارجال الجود
وهذا اللغز معجبني وانا للحل سباقي
فتيله للسراج المبطي اللي عندنا موجود
عسى حلي صحيح وللمحرر كل الاشواقي
خليف العجيلي - الرياض
هلا يا مرحبا مشكور يا نايف على المجهود
جواب اللغز ما يصعب على العراف ما عاقي
كتبت الحل وأرسلته فتيلة للسراج العود
لها وقتٍ مضى يا ما تذكرناه نشتاقي
صلاح اليابس - رحيمه
انا احييك يا نايف واحيي لغزك الموجود
وانا بديت في حله لعل الحل ينساقي
اقول الحل فتيله وتشعل نارها بوقود
يازين العود لا نور له الانظار تشتاقي
علي رشيد الرشيد - رياض الخبراء
فتيله والفتيله حل لغزالشاعر المنشود
حبيت اشارك مع رجال ذوقهم راقي
مع خزامى الصحاري شوف حلي بالسراج العود
وطفه عند نومك يارفيقي والله الواقي
محمد ابودحيم - البدائع
الا ياللي طرحت اللغز تبي حله يجي ماكود
عرفت الحل وارسلته لابن عادي مع اشواقي
فتيله شانها شاني يوم ان العالمين رقود
ابوها سراج يغذيها يجيها اغذاه سراقي
خليف الحربي - الرياض
كما توصل للحل نثرا
عبدالرحمن القحطاني - الرياض
عبد المحسن بن محمد المحيسن - رياض الخبراء
لغز الاسبوع
كتبه الشاعر احمد ناصر المحرج ويقول
انشدك عن ورع مقدر ومحشوم
معروف عند الناس حضر وبوادي
يزور لامه قبل شغله على الدوم
تعطيه ياذربين الافعال زادي
واذا ضربت الورع في وضع معلوم
تطلع علومه جاك علمن وكادي
نستقبل الحلول عبر الايميل rb-khozama@alriyadh.com او الفاكس 014871070 كما نرحب بطرح الألغاز الجيدة