اللغز

الأسبوع الماضي كان لغز الأسبوع من طرح الشاعر محمد الرشيد والذي يقول:
أنشد اللي يعرفون الحقيقة خصوص
عن فتاة خبيثة خطها أربع حروف
دون راس ويدين وبالمجالس تحوص
سحبها للرصيد بلا خيار معروف
وقد توصل للحل شعراً كل من:
حبنا للرياض وللخزامى خصوص
من جميل المعاني لا قرينا نشوف
من يحاول يفكر للمعاني يغوص
حلها الغيبة اللي للمجالس تحوف
محمد العريني - (أبودحيم) - البدائع
حيا الله اللي نعرفه دايم ما يحوص
خص بوقت اللوازم لا جبرتنا الظروف
الغيبة محد رضاها في جميع النصوص
الحل واضح واظنه للذكي ما يطوف
عبدالله صالح الأطرش - الرس
لغزكم يا محمد من خيار النصوص
في جوابه نحاول واخدمتنا الظروف
حاسب النفس واعمل كل يوم فحوص
احذر (الغيبة) اللي ذمها بالوصوف
علي رشيد الرشيد - رياض الخبراء
يا محمد جلبنا اللول من دون غوص
واعرف اللول والياقوت بين الصدوف
لغزك اللي ذكرته ساكن في قفوص
اللسان الخبيثة في البشر ما تروف
غرمان البكري - خميس مشيط
مرحبا بك هلا بك ما في قولك نقوص
احسنات الفتى ضاع منها الألوف
كل مجلس بذا الوقت لو تطب وتغوص
تلقى غيبات واحد وسط جوه تطوف
نايف خالد الابراهيم
في خزامى الصحاري كل جمعة نصوص
مثل صافي الجواهر ما عليها كسوف
والفتاة يا محمد (غيبه) فيها النقوص
قل عسى اللي عشقها في جهنم يطوف
علي جابر الزولاني الفيفي - فيفا
كما توصل للحل نثراً كل من:
محمد عبدالله الوابلي - حوطة سدير، ملفي ندا العتيبي - القصيم، نهار سارع المطيري - حفر الباطن، صالح فهد الشمري - حائل، ماطر ضيف الله الحربي - القصيم.
لغز الأسبوع
كتبه الشاعر ناصر المسيميري من الرس ويقول:
وش كبير يباري له صغير
لو يقوم الكبير الورع قام
الصغير يتحمل لكبير
لو ينام الصغير العود نام
نستقبل الحلول على فاكس 4871070 - خزامى الصحارى - زاوية اللغز - كما نرحب بطرح الألغاز الجيدة والجديدة.