اللغز

الاسبوع الماضي كان لغز الاسبوع من طرح الشاعر علي رشيد الرشيد من رياض الخبراء والذي يقول:
رجل يسير في مجاله ويرجع
لكن حاله في مسيرة عجيبه
يجبر صفوف في مجيه تجمع
واذا رجع فرق وهي مستجيبه
وقد توصل للحل شعراً كل من:
أنا قريت اللغز والضيف يسمع
قال ابجيب الحل والا تجيبه
الحل يابو رشيد ينزل ويطلع
سحاب جيب الثوب عند الحبيبه
محمد بن عبدالرحمن أبو دحيم البدائع
ترحيبة مني بها الصوت يرفع
اللغز وارد يا عسانا نصيبه
مرماعي السحاب لا جيت ابرمع
في حال زين ولا نشب يندعيبه
سالم حبيب البشري - الجبيل
خذ رمعتي قدام من كل يرمع
لغز جميل وكل مابه يصيبه
معروف «والسحاب» فرق وجمع
عجيب والتصنيف فكرة غريبه
خالد سليمان ابراهيم الجريش
يا مرحبا ترحيب ما لبرق يلمع
وما سال سيلة بالرياض العشيبه
هذا هو السحاب ينزل ويطلع
اما بصدر الكوت والا بجيبه
صالح المشعلي
أهلاً عدد ما بان نورن ويسطع
واعداد ما غاب الشفق في مغيبه
هذا سحاب الكوت ينزل ويطلع
يفرق صفوف ويجمع كتيبه
صلاح بن عبدالله اليابس رأس تنورة
يقول ولد الكور في الشعر ابدع
صفحة خزامى بقت عندي رهيبه
لغزك ترى «السحاب» يفرق ويجمع
لي في الملابس وبالدراهم نجيبه
علي سالمين الكور - صبياء
لغزن ثمين وبالمعاني مرصع
يالله عسنا في هدفنا نجيبه
ما يمشي إلا كود يمسك بالاصبع
والحل هو السحاب لازم اجيبه
فايز بن حماد الشمري حائل
يا حبنا للغز لا صار يجمع
بين الحلا وبين الحلول الصويبه
ولغز الخزامى صيغ من فكر مبدع
سحاب حله دون شك وريبه
صالح بن عبدالله التميمي الرس
حله هو السحاب بالحيل ينفع
تلقاه في الابواك او في الحقيبه
والا على بعض الفساتين يوضع
يستر عن الخفرات عين غريبه
حمد الدريهم
اللغز يبو رشيد به ظلم واوجع
لغز يضر اهل الهوى لا تجيبه
سحاب فوق اجساد زينات يهجع
يشرب وياكل زين ويشم طيبه
فهد بن عقيل الطويان - بريدة
يا مرحبا حييت وللرد تسمع
في اول الصيف قبل اللهيبه
حل اللغز واضح ينزل ويطلع
سحاب معروف في كل جيبه
فالح غازي الحربي - رياض الخبراء
الحل يابو رشيد اقرأ وتسمع
لو الهدف يعيد حنا نصيبه
اللغز سحاب ترى انتاج مصنع
يفرق ويجمع بين وده وجيبه
دغيم فهد الخمشي
باصيح بأعلى الصوت والكل يسمع
حل اللغز واضح ولا فيه ريبه
حله ترى السحاب ياللي توقع
وجملة هلا ومبروك للي يجيبه
عبدالله بن مشعي آل مطلق
قريت لغز في خزامى يشجع
حله صعيب والقوافي صعيبه
لكن بعون الله لحله تسمع
جيب الملابس موقعه والحقيبه
محمد الناصر العريني رياض الخبراء
كما توصل للحل نثراً ليلى دخيل الغانم - الرياض.
لغز الاسبوع
كتبه خليل ابراهيم الشبرمي من الرياض ويقول:
يا ويش ورع جاب علم بلا حس
ودايم علومه بالدقيقة دقيقه
بالعود له دس وبالورع له دس
ولا يفيد إلا بحرٍ وضيقه
نستقبل الحلول على فاكس 4871070 خزامى الصحاري - لغز الاسبوع.
كما نرحب بطرح الالغاز الجيدة والجديدة.