الأسبوع الماضي كان لغز الأسبوع من طرح الشاعر محسن عبيد السهلي من الرياض والذي يقول: انا بنشد هل الالغاز واهل المعرفة والذوق وش الرجال أبو بطن كبير ولا يذوق الزاد مغير الماء طعامه والرجل ساكن له بشاهوق وله أخو يفوقه بالكبر قاعد على المرصاد وقد تصل للحل شعراً: هلا يااللي كتبت اللغز جعلك ما تشوف العوق ابارمع رمعتي واللغز يشبه صيدة الصياد هو الخزان لا ثبت على سطح العمارة فوق من الفيبر يجي وإلا يجي من صنعت الحداد غنام صالح مزيد الحربي - بريدة ابشارك حسب عرفي مع اللي يبدع الطاروق عسى ربي يوفقنا نحل صح يا نشاد أحد فيبر على سطحه واحد خزان من طابوق وترى والله بدون الماء بامحسن ما بعيش بلاد هادي عوض الحربي - قبة انا قلت انه الخران عانه فوق ثبت فوق على صطح العماره ولمهندس ثبته وكاد اخوه الي بوسط الحوش ضني داخله مشقوق نقص ينقص ومشكلنا من الخزان ولعداد سعد صنهات السهلي - الدرعية الا يا مرحبا والحل خزان من الطابوق بعد وقت الرشاء والدلو والابار والوراد يمد اخوه لا احتاجه واخوه بالطابق اللي فوق يحفظ الماء بوسط بطنه يجيه الماء من العداد عبدالله عبدالرحمن عمر اللاحم - الشماسية والا يا محسن ابن عبيد وانته شاعر مرموق طرحت اللغز بالصفحة وجاك الحل بالميعاد ترى حله هو (الخزان) واحد تحت واحد فوق وجاك الحل من شاعر وعله يوم جاك وكاد ماجد نايف العصيمي - الحوية يا محسن كان ما عندي غلط فالحل تحت وفوق ويجي بين اثنين الله يجيرك صادر أو وارد هذاك الماء وخزان ومواسير تسوقه سوق واذا جف الصغير العود يرسل للصغير امداد عبدالمحين فراحان الفهيدي الحربي سلام الله عليكم يهل خزامى سلام شفوق قريب اللغز بالصفحة وانا بجاوب النشاد ترا حله هو الخزان بالاسفل وواحد فوق لزوم البيت يشملهن مع التخطيط كالمعتاد علي الرشيد - رياض الخبراء لقيت الحل في بيتي واحد تحت والاخر فوق الاول يطعم الثاني وتراه يضيع الى من زاد خزان فوق وتحت حذرا لا يجيبهن شقوق ياللي طلبت الحل جاك الحل وانت له نشاد محمد أبو دحيم - البدائع أنا برسل تحية للخزامي باحسن المنطوق مع الشعار اشارك بالحلول وحملة الانشاد واجيب الحل من فكري بلا كلفه ولا به عوق اقول الحل خزان لسقيا البيت والاولاد فالح عازي - رياض الخبراء انا لامن قريت اللغز يدفعني لحله شوق على نفس الهدف رمي لا ينقص ولا هو زاد ونا بقول خزان المياه اللي مركب فوق وخوه اللي بالارض اينقص ماه منه يزاد عوض لافي الرشيدي - حفر الباطن خزان الماء يحطونه علي سطح المنازل فوق وله بيبه تغذيه من الارضي مدها الحداد يضخ الدينمو فيها كأنه صالح مهو محروق حسب صرفيته فاتورته تاخذ من العداد مشواح ثامر الشمري لا هلا مرحبا ترحيبة تسلك مع الطاروق تحية وافيه لهل الخزامى لو نكون ابعاد هو الخزان ابو بطنن كبير ولا يجيك العوق واليا منه قضى نبلش ندوّر وايت وراد صلاح اليابس - رحيمة مني تحية عطرها فايح الشوق لمحرر الصفحة وعادي بلأعداد رفعت راسي ثم لد النظر فوق خزان فيبر كاني للغز صياد عبدالله الرفيعي يا هلا يا مرحبا ترحيبة احلا من حليب النوق وانا حبي للخزامى مع الايام يكبر ويزداد واللغز حله خزان يحي راكبن من فوق وليفه خزان ارضي له سعه وله اعداد عبدالله الوايلي - حوطة سدير يا مرحبا واهلين في داخل السوق ترحيبة حلوه على سلم الاجواد حان حق الماء على البيت من فوق واخوه الاخر تحت الامن وقف جاد جارالله بريك المري - الأحساء جتن هواجيس فوق له نوق ورمعت لعزك قبل لا أغط برقاد يابن عبيد الحل خزان من فوق والاخر الارضي يانسل الاجواد عبدالكريم الراشد التميمي - الغزالة اهل الصحارى وقراها لهم شوق ياما اسرت قلوب(ن) تنطق الضاد واللغز خزان مان(ن) موضعه فوق واخو(ن) على الأرض ياخذ منه الامداد سعود عائيش الحربي - القاهرة سلامي لمحسن الشاعر وعادي المرموق ولكل قارئ همه المعرفة قبل الزاد عدد ما صب كل خزان ارضي والافوق ومن يفقد الماء ولو ماله كثر ما فاد علي بن سعد بن هتلان - الرياض حل اللغز عند واضح مدري سابق أو مسبوق خزان الماء فوق كل منزل شيء ضروري ومعتاد في كل يوم والدينمو بضغطه زر يرسل فوق واخوه الزكبر السفلي ما ينقص ماه إلا يزداد سعد فراش المطيري - الرياض يا عبيد لغزك صار تيهان وطروق حله طرالي حول ورشة حداد فوق العماير واحد فوقها فوق خزان ميه ثابت فيه رداد عبدالمحسن المحيسن - رياض الخبراء كما توصل للحل نثراً: عبدالله عبدلمحسن الدوسري - الجوبة، عقلا خزن - تبوك، عبدلرحمن إبرهيم المشعل - الرياض، فهد فياض القدروري، عبدالرحمن الداعج - الخرج، عقلاء مثقال العنزي - الفويلق. لغز الأسبوع كتبه للصفحة الشاعر محمد أبو دحيم من البدائع ويقول: تمشي ورى ما قيل تمشي لقدام ترجع ورا لامن واحد نشدها هي معنوية مالها ايدين واقدام به من يعذربها وبه من حمدها نستقبل الحلول على الفاكس 014871070 ويفضل الارسال على الإيميل [email protected] كما نرحب بطرح الألغاز.
