اللغز

الأسبوع الماضي كان لغز الأسبوع من طرح معد زاوية اللغز الذي يقول:
ياويش بنت عمرها غض يا اخوان
حلوه وتدمر كل من تلفت له
بنت بميدان الشرف شانها شان
شمس ونوره ما يجي كود ختله
وقد وصل للقسم أكثر من "90" تسعين حلاً إلاّ أنه لم يتوصل للحل الصحيح سوى القليل واتجهت بعض الحلول نحو كاميرا ساهر وإذا دققت في اللغز وجدت قرينة تميز هيئة مكافحة الفساد والقرينة ان عمر البنت غض أي جديدة ولها علاقة بالشرف.
الله ينصرها على كل خوان
خان الامانه كل تهمه لفت له
مكافحة الافساد في خير الاوطان
واجب وهاك المختلس حان شتله
علي جابر آل زولان الفيفي - بيشة
يا مرحبا واللغز جيد ومليان
يا زين طرق اللغز طرقه وفتله
مكافحة الافساد نعمه يا الاخوان
واللي يبي الافساد نرفضه بتله
محمد أبو دحيم - البدائع
يا بو رجا لغزك قوي ومليان
والحل يبغى له تحزم وفتله
اللجنه اللي ضد الافساد يا فلان
احسن طريق للمتابع لجت له
علي رشيد الرشيد - رياض الخبراء
اللغز رمعه دون شاره ونيشان
وارسلت رمعه صوب لغزك وجت له
مكافحة الافساد عندي لها شان
عندي وعند الناس كل صفت له
راكان عبدالرحمن العريني - البدائع
قريت لغز(ن) ناظمه حيل بطران
طرقه رهيب وفيه حبك وفتله
هيئة تكافح كل من كان خربان
تضبط فساد الناس للحق بتله
أحمد بن ناصر المحرج - الرياض
عادي هلا حييت من قلب ولسان
ترحيب راع الطيب بضيوف جت له
هيئة فساد اللي تبي دورها بان
برشوه وسرق اللي يخون وقفت له
فهد عقيل الطويان - بريدة
لغز الأسبوع
بعثه للصفحة الشاعر محمد الزبن الخالدي من الرياض ويقول:
ياويش رجل للمهمات مذخور
يفزع لاخوه بهمته لا انتخى به
اخوه جنبه دايم يسمع الشور
والروس فيهم يالنشامى تشابه
ما قد ملكهم غير طيب ومنعور
رجل على الشدات يملك صلابه
* تستقبل الحلول على الفاكس (01/4871070)
أو الايميل rb-khozama@alriyadh.com ونرحب بطرح الألغاز الجيدة.