اللغز

الأسبوع الماضي كان لعز الأسبوع من طرح الشاعر محمد عبدالرحمن العريني من البدائع والذي يقول:
فيه الدليل وفيه كذب وبهتان
وفيه الدوا يا عارفين الحجاوي
واللغز مثل الصيد شاره ونيشان
واللي يحب الصيد دايم شقاوي
وقد توصل للحل بعض الشعراء من قرابة ستين حلاً:
اللغز للعريني رفيقي بليهان
مليان بفنون الجزاله غناوي
قميص يوسف قلت ياذرب الأيمان
جواب لغزك يابعيد الهقاوي
فهد بن عقيل الطويان - بريدة
يا مرحبا باللي طرح لغز مليان
والحل رفعه ما يجي بالمناوي
قميص يوسف لا طخيته يدمان
راعيه وسط الجب يمرح خلاوي
علي رشيد الرشيد
يا مرحبا باللي بدع زين الازوان
الشاعر المعرف شاعر وراوي
لغز العريني واضح فيه تبيان
قميص يوسف شاف شاف النداوي
عبدالمحسن المحيسن
قريت لغزك يا محمد ومليان
أحدن يجيب الحل وأحدن سماوي
قميص بن يعقوب يوسف بالالوان
لو كان فيه الدم زور متساوي
صلاح بن عبدالله اليابس - رحيمة
ابودحيم يطرح الالغاز فنان
واللعز عنده مثل شرب القهاوي
ودي أشارك مثل تركي وسلان
قميص يوسف حل لغز النداوي
بدر بن عبدالله السلطان - الرياض
الحل بالقرآن تلقاه يافلان
اقرأ القرآن إن كنت بالحل ناوي
في سورة يوسف شفت حله بالأعيان
قميص يوسف رمعتي يالنداوي
نواف عبدالرحمن العريني - البدائع
يابودحي اللغز جيد ومليان
مافيه مثله يا بعيد الهقاوي
قميص يوسف حل لغزك وله شان
هذا جواب اللغز ماهي حراوي
عزام بن علي الرشيد - الرياض
كما ننشر حلاً من الأسبوع الماضي سقطا سهواً للغز المنشور في الأسبوع ما قبل الماضي.
يا راعي اللغز جاك اللي تحرا
رجلن على الحل ترا هو يقدرا
الشمس لها دور ببرد وحرا
والظل يمشي بأمرها الا يحترم
قاسم محمد الداوي - الخبر
لغز الأسبوع
بعثه للصفحة الشاعر ياسر السويس من الرياض ويقول بتصرف بسيط من الخزامى:
أسألك عن توم مهم يتفارقون
طول فترة حلهم متخالفين
على فرقا غيرهم يتعاونون
تنخضع من شانهم روس وتلين
نستقبل الحلول على الإيميل
rb-khozama@alriydah.com
والارسال عبر الأيميل هو الأفضل ومن يتعذر لديه ذلك فيمكن الارسال مؤقتاً عبر الفاكس 014871070