اللغز

الأسبوع الماضي كان لغز الخزامى من طرح الشاعر محمد أبو دحيم من البدائع والذي يقول:
تمشي ورى ما قيل تمشي لقدام
ترجع ورا لامن واحد نشدها
هي معنوية مالها ايدين واقدام
به من يعذر بها وبه من حمدها
وقد توصل للحل شعراً:
راعي الجويعه في ظهرها بلاخطام
محضر لاهل اللغز في وعدها
مره يجي يربع ومرات درهام
والذاكره عزي لمنهو فقدها
مسعود بن وبران الدمنان - الأحساء
الذاكره حلت لي اللغز بشمام
كان ابو دحيم رمعتي ماجحدها
صفه ضروريه على مر الايام
عساك يابو دحيم ماتفتقدها
زبن مقبل العنزي
محلا ترى الذاكرى على مر الايام
تاريخها معروف من ذيك الازمان
ايام ما تنسى مرت كالاحلام
فيها الحلا والمر وافراح واحزان
ريان محمد الخنيفر - الرياض
قمت أتذكر بالليالي والايام
سبحان عالم غيبها مع عددها
واللغز يا بو دحيم احكمته احكام
الحل هي الذاكرة ما بعدها
ساير فالح الحنين - الخرج
ذكرتكم يا صاحبي بأول العام
والذاكره تنسى وهذا جهدها
لغز العريني وافق العقل والهام
والحل عندي ذاكره ذا سندها
عبدالمحسن بن محمد المحيسن - رياض الخبراء
ياللي كتبت اللغز تخطيك الاثام
ازكى تحية ما يقدر عددها
اللغز حله ذاكره ضمن الافهام
الفكر جمعها بسرعه وجدها
علي رشيد الرشيد - رياض الخبراء
يا مرحبا تعداد خطوات الانعام
واعداد وبل المزن ويا رعدها
اللغز واضح خذ جوابه بالاولام
الذاكره حله وعادي رصدها
فالح غازي الحربي - رياض الخبراء
خذ الاجابة والمه يابو دحام
نحلها لو هي متينه عقدها
ذكر الليال الفاينه مثل الاحلام
يمكن تعيد الذاكرة ونحمدها
عبدالعزيز العنزي - بريدة
الذاكرة لامن نست كل نمام
وتذكر العلوم وتوفي وعدها
وتختم على شين الفعل بقفل ولجام
ما تفتحه لو طوق الماس يدها
عبدالرحمن السويس - الرياض
البارحة بعد العشى قبل لا أنام
هقيت لي هقوة وفكري وجدها
حليت لغز أبو دحيم ودحام
يابو دحيم اعتمدها
خليف راضي العجيلي - الرياض
ذكرى بها نسترجع افراح وآلام
اما نتذكر حزنها أو سعدها
علي عبدالعزيز الصالح - حائل
الذاكره بين الليالي والايام
تحفظ سجل الادمي في عددها
احد يجيب علوم ماضي لها اعوام
واحد لامن احتاجها ماوجدها
وسام عبدالمحسن الحربي - المدينة المنورة
اللغز يابو دحيم حليته شمام
الذاكره لامن واحد نشدها
لاعطتك العلم مشت قدام
وان ما عطتك العلم أمر ودها
حبيب بن فريح الشامي - البدائع
يابو دحيم الذاكره ماله خطام
الذاكره مسكين منهو فقدها
اذكر زمان فات عام بثر عام
كام واحد ازراء يفكك عقدها
بدر السلطان - الرياض
الحمد لله عندي ايدين واقدام
وعندي من الانعام ما احصى عددها
والذاكرة ما قيل تمشي لقدام
عساي من اللي نعمته ماجحدها
راكان عبدالرحمن العريني - البدائع
لغز الأسبوع
كتبه للصفحة الشاعر محمد سعد إبراهيم اليحيى من الدوادمي ويقول:
انشدك عن بنتين ماعنهن غناه
دايم معك وقت اللزوم وبالسفر
تشيلهن دايم معك صبح وغداه
ولا لهن الا الاهانه لا مفر
* نستقبل الحلول على الفاكس ( 4871070 /01) ويفضل الارسال عبر الايميل rb-khozama@alriyadh.com
ونرحب بطرح الألغاز