اللغز

كان لغز الاسبوع الماضي من طرح الشاعر
محمد فرحان الفهيدي الحربي من القصيم :
انا بنشدك عن رجل يغير كل عام بلون
ولا يكبر ولا يصغر ودايم طايح سنه
الا منه تعين بالوظيفه حالة المسجون
يشوف الشمس وامطار السحايب مايبلنه
وكانت حلول الشعراء
تفضل ياهلا و يامرحبا مليون في مليون
صحيح انه يغير لكن ابيومه فلاظنه
هذاك الفحص حدر من القزازه معتلي الطبلون
ولو ماترغبونه واقفٍ بالدرب ماعنه
سالم البشري الجبيل
أنا با قول هذا الفحص للسيارة المضمون
و يوجد به شهور العام يسحب واحدن منه
يحطونه ملصق با لزجاج و فا البلد يمشون
من الداخل يدسونه عن الوسمي لا يصلنه
محمد العيسى / مكة المكرمة
الا ياللي بغيت تبيع مركوبك وتبغي العون
للفحص الدوري انهج به ترى ماعنك وعنه
والى منه نجح يلصق عليه استكره باالهون
وخل محُرجْ المعرض يلعلع صوته وفنه
احمد ناصر المحرج /الرياض
سلام الله عليكم يا محمد عدة المليون .
قريت اللغز واعجبني بحسن اسلوبه وفنه
تراه ستيكر للفحص معروف بنوع اللون .
يعم الموتر اشكاله من الجمسات والدنه
علي الرشيد - رياض الخبراء
يامرحبا بك يالفهيدي جاك الحل بدون سنون .
عساك من اللي يداوم على القران والسنه
الفحص الدوري هو حله وخذ حله وانا ممنون .
. له موقع بالمركبه عن برد وحر في الكنه
محمد ابودحيم - البدائع
هلا يا مرحبا ترحيبةٍ تمشى مع القانون
تحية وافية بالطيب وريح المسك والخنه
اقول الفحص انا دوري يغيّر كل عام بلون
إلا منّه تخلخل موترك أفحص إلا منّه
صلاح بن عبدالله اليابس / رحيمة
هلابك يا الفهيدي وانت لغزك حاكمة بنون
الاياكثر رمعتن يخمنة ويخطنة
انا قلت استكر للفحص ياتي كل عام بلون
ترى مانيب متاكد فلاكن ضن بضنة
سعد صنهات السهلي الدرعية
الا يامحمد جبت حل الغز لك مضمون
لقيت المواتر بعد ماتفحص يشيلنه
لزوم تفحص للموتر نضام سنه القانون
تلزق استكر الفحص بعد ما ينقلع سنه
عبدالله عبدالرحمن عمر اللاحم - الشماسي
لغز الاسبوع
كتبه للصفحه الشاعر تركي بن عبدالله السبيعي من الرياض ويقول
انشد عن اللي بالمواقف لها دور
تقول لاتاقف ترى الوقف ممنوع
لاهي صناعية ولا شيء مبذور
والحل بالابيات والغش ممنوع
نستقبل الحلول ويفضل الارسال عبر الايميل
rb-khozama@alriyadh.com
اوعلى الفاكس 014871070
ويسرنا المشاركة في طرح الالغاز