كان كاتب لغز الاسبوع الماضي الشاعر نايف عبدالهادي السيحاني من شقراء والذي يقول: انا بنشدك عن رجل الا منك مسكته طار والا شفته يطير مع الطيور اللي مع اللجه ولا له عند بعض الناس لا حشمه ولا مقدار وبعض الناس ترغب فيه واتحبه مع الصجه وقد توصل للحل شعرا حلول اللغز نرسلها وتاتيكم مع الاخبار اشوف اللغز مازون ولا تدخل به الرجه مع الخفرات شالنه على الرقصه لصوت الطار لعل الجو مايظلم من الغبرات والعجه فالح غازي الحربي – رياض الخبراء قريت اللغز في خزامي وخلى فكرنا محتار بغى يعدي علينا الحل ويطير مع العجه وبآخر لحظه مسكناه مسكة ضاربٍ للطار يدق الطار والعالم تتمايل ومرتجه احمد بن ناصر المحرج -الرياض الاياللي طرحت اللغز تبي حله من الشعار كتبت الحل وارسلته وحلي بصك وحجه وبعض الناس يستنزل مع النغمه وصوت الطار يعيش بجوه الثاني ولايدري عن الصجه خليف الحربي - الرياض سلام لعادي ابن رمال له حشمه وله مقدار ولنايف ابن سيحان سلام الله وازجه وابرمع لغزك انه طار وعليه السامري لا صار من حايل يشوش الراس وانسى الهم واللجه عبدالكريم الراشد التميمي - الغزالة ابا جاويك يانايف وابا احله وانا محتار ذهيبك داخل (الحلة) يبا يلقاه من وجه يطقونه بكف اليد نوب يمين نوب يسار وفوق الناريصلونه وعندي شاهد وحجه سعود عبدالله أبو وقيان - الدوادمي الا يا مرحباء باللي نشر لغزه على الشعار وانا وجهت حلي يوم بعض الناس ما وجه اقول الحل طبله طقها يزعج ضيوف وجار تطق بداخل القاعه وتسوي للحفل رجه مصلح بن تركي بن مرزن - الجمش يامرحبا بك ياهلا ترحيب البدو بالامطار والحل طار يطقونه وقت الافراح والبهجه واهل العرضه يطقونه مع اهل الشعر والاشعار الله يصفي الاجواء من الغبار والعجة محمد ابودحيم – البدائع قريت اللغز ياشاعر طربني القاف والمزمار ندف الطّار وانغنّي وصوته عالي الضجة هذاك اللي ليا منه تغيّر حطّه فوق النار كفانا الله شر النّار وشر السّيل والعجة محمد وصل الله السويهري الا يامرحبا باللي كتب لغز بزين اشعار عدد من طاف بيت الله ولبى الله في حجه يجيك الحل يالصاحب هذاك الطار يابيطار اقول الطار بالحفلة على ماقيل بالسجة علي رشيد الرشيد – رياض الخبراء هلا يا مرحبا ترحيبةٍ يفرح بها الخطار وريح العود الازرق فايحٍ ريحه وله عجه هلا يا مرحبا والصوت لامن شال صوت الطار اشوف الناس منطربه وناسٍ صابها رجه صلاح اليابس / رحيمه كما ان هناك حلولا على اوزان مختلفة الحل عندي ليا منك طقيته طار الطار اللي يطقونه له صجه وله لجه ماجد حبيب الحربي/البدائع الطبل وطار طبل وطار اسمين لا تطير في العجه لامن برد بس شب النار انذكراللي بهم سجه سعد بن صنهات السهلي -الدرعية اللغز واضح ياوافي الاشبار كلن على كيفه بابه يهجه ناسن تحب تسمع طبلة الطار وناسن ماتحب تسمع الصجه صالح المحارب الحل واضح مايبي يمين ويسار الله يوفقك لعمرة وحجة تسمع صوته بحفلة ومسيار سامري واخر الليل صجة عبدالله الصالح وقت الطرب تلقاه بيدين ناس كثار وكم واحد لاشافته عينه فضل الهجه نشمي سعود الحربي -القصيم كما توصل للحل نثرا راشد بن صالح البقيشي لغزالاسبوع كتبه الشاعرمطلق بن صالح الثبيتي من الداهنة ويقول وش ثلاث خوات وبينهن جيره يامرن بعض ناس وثم ينهنه ونوب وحده تروح وتترك الجيره والشريعه تجيز لمن وطاهنه نستقبل الحلول عبر الايميل [email protected] او الفاكس 014871070 كما نرحب بطرح الألغاز الجيدة
