الأسبوع الماضي كان لغز الأسبوع من طرح الشاعر/ علي رشيد الرشيد من رياض الخبراء والذي يقول: رجل يسير في مجاله ويرجع لكن حاله في مسيره عجبه يجبر صفوف في مجيه تجمع وإذا رجع فرق وهي مستجيبه وقد توصل للحل: يابن رشيد اللغز من يوم فرقع فرقعت باصباعي انا اللي اجيبه انا اللي من نظره للالغاز يرمع سحّاب شنطة او فنيله بجيبه عبدالعزيز علي الصالح - حائل كل يحاول باجتهاده ويرمع احدا يزل الحل وحدا يصيبه هذا هو السحاب في حجم الاصبع مره توديه ومره تجيبه خالد حمود - ساجر الشاعر اللي كاتب اللغز مبدع والحل باذن الله لازم نجيبه هذاك سحاب يسير ويرجع ما فيه لا شك ولا فيه ريبه علي عويد العنزي - الرياض يا بو رشيد الحل عندي وابرمع هذاك سحاب الملابس نجيبه له مشبة فيها يفرق ويجمع ماله شبيه الا الأزره بجيبه محمد بن صالح الأطرش - رياض الخبراء يابو رشيد اللغز جيد وممتع والحل عندي دون شك وريبه هذاك سحّاب لياقفل يمنع شوف الغريب لسر هذا وغيبه ماجد عبدالعزيز الثميري - المجمع اللغز حيرني وقمت أتوجع والفكر حاير وعيا يجيبه والحل سحاب ومصنوع مصنع هذا جواب اللغز ما فيه ريبه عبدالمحسن بن محمد المحيسن - رياض الخبراء قال الذي لامن سمع لغز يرمع واذا رمع اللغز حله يجيبه هذا هو السحاب ينزل ويطلع كم واحد به بدّل زرار جيبه نشمي سعود الحنيني - القصيم علم الرجل يرشيد جاك وتسمع مني وغيري يالسنافي يجيبه سحاب يجمع قطعتين وتشمع إما انسحب برضاك والا غصيبه فهد بن عقيل الطويان - بريده سلام يا صفحة خزامى وابا ارمع رمعة فهيم في هدفها مصيبه راعي القماش يشق ثوبه ويرقع وان خيّط (السحاب) ما هي غريبه حمد ن جوباح راع الصقاره في طيوره مولع وقت الربعي وبالفياض العشيبه وانا بحل اللغز والكل يسمع سحّاب للجاكيب ركّب بجيبه فالح غازي الحربي - رياض الخبراء كما توصل للحل نثراً خلف عائد السحوم - بريدة تنويه تتوقف زاوية اللغز أثناء إجازة عيد الأضحى وسوف تعاود الظهور إن شاء الله بعد الإجازة.
