اللغز

الأسبوع الماضي كان لغز الأسبوع من طرح الشاعر محمد أبو دحيم من البدائع والذي يقول:
انشد عن اللي لالفى تعتنيبه
لو إن ماودك تشوفه قبالك
يمشي بدون أرجل ومشيه يعيبه
ما هو مرض واحذر يقابل خيالك
وقد توصل للحل:
الشطب في القزازه مصيبه
لا شافه الشراي عذرب حلالك
كله خطر وادناه شيء يجيبه
قم غيّر المعطوب من حر مالك
صالح حمد الرميح - عنيزة
حل اللغز عندي وانا اللي اجيبه
كسر الزجاجه عيب موتر عيالك
والعيب عند الناس لو فيك ريبه
ما هو بعيب ابد ليا قل مالك
موضي الشمرية - حائل
رمعت لي رمعه عساها مصيبه
يا الشمري هذا ظني وجالك
كسر الزجاجه حصل والله يجيبه
سيارتك صنها وينصان مالك
مخلد خرصان الشيباني - الدوادمي
عديت يوم السبت راس الجذيبه
ودي أفكر ما يدور بخيالك
بويا بودحيم الحل لازم نجيبه
كسر القزازه يصلحونه اعيالك
ميمونة بنت محمد العطيفي - الخبراء
يا مرحباً وللغز حله نجيبه
كسر القزازه فكرتي هو سوالك
يمشي بلا رجلين حتى عيبه
اسهل يجي بايمنك ما هو بشمالك
راكان عبدالرحمن العريني - البدائع
الحل كسر بالقزازه يعيبه
خلك كريم وغيره من حلالك
وان كان ما عندك فحنا نجيبه
ولا نوصي واحد من خوالك
لين بنت حمد السحيباني - البدائع
اشرب لبن صافي وخل الرويبه
يطيب كيف الراس ويطيب فالك
ولي بحل اللغز ربي يجيبه
كسر القزازه لا يجي في خيالك
هشام عبدالله السحيباني الدوادمي
يا بو دحيم العلم دايم تجيبه
الله يبارك في عيالك ومالك
اللغز حله للمواتر مصيبه
(كسر القزازه) هو جوابي سؤالك
علي رشيد الرشيد - رياض الخبراء
الحل يا بو دحيم حنا نجيبه
ملزوم يا الطيب نجاوب سؤالك
كسر الزجاجه بالمواتر معيبه
بالفحص ما تنجح بكل المسالك
فالح غازي الحربي - رياض الخبراء
كل ببحر الشعر ياخذ نصيبه
وصفحة خزامى كل يوم اقبالك
واللغز حله بالقزازه مصيبه
لا صرت بالموتر يمين أو شمالك
طلال فالح الحربي - القصيم
لغز الأسبوع
كتبه للصفحة الشاعر صلاح بن عبدالله اليابس من رحيمة ويقول:
أنشدك عن بنتٍ وتنسب لرجال
تركها ما بينه وبين الخليقه
اللين فيها والقسى كل بجال
والرجل رجل وحطها كالوثيقه
نستقبل الحلول على الفاكس: 487070