الأسبوع الماضي كان لغز الأسبوع من طرح الشاعر صالح بن هايل الفقير العنزي من حائل والذي يقول: اسألك عن ثنتين يا طيب الساس يدعى لهن في يوم مره ومره اللي حضرهن يحسبن له مع الناس ومن لا حضرهن يدبلن في مقره هن بالمدينة والقرايا بها تقاس ولا حد ذكر بالبادية لهن جره أنا ما أقول إني وكيل عن الناس كلن يحاسب حسب خيره وشره صالح عرض له لغز معناه لا باس عيد السبوع ومن حضربه يسره عبدالله بن سلطان بن عياش السبيعي - الرياض هات القلم واكتب بيوتاً من الراس نبى نحل اللغز لو بس مره عيد السبوع وبعدها السبت لا باس ومن لا حضرها باربعة مستمرة محمد بن فاضي بن خريص سلام ياللي تكتب القول بقياس دوك العلوم وحل لغزك بامره قبل الفجر ديميه تفرح الناس في خطبة الجمعة وهي مستمرة بندر عواد الطارف - الجوف يا مرحبا ترحيبة مالها قياس عد الكواكب بالسما والمجرة أرسلت حلي للجريدة بقرطاس والجمعة حل يابو هايل نقره سعد مويزر مشعان البدراني - الدرس يا مرحباً ترحيب مالها جناس من سمعها والا قراها تسره اللغز حله حط ما بين الاقواس صلاة الجمعة مابها هرج مره ماجد سعود الحريص - عنيزة سلام يا صالح تحبه بنوماس وسلام أحلى من حليب بدره صلاة جمعة فضله خالق الناس هن ركعتينه زادهن بالمبره سعود الرباح القويعي - حايل برسل سلامي واحترامي بقرطاس للي غلاها وسط قلبي مقره ومن لا حضرها عن ظرف حاديه لا باس ومن يحضر الجمعة وصلى تسده محمد سعود الخرفاني العماري - الخرج يا مرحبا واعداد ماهب نسناس عد النجوم الساطعة بالمجره باللي نبي لغزه وسجل بقرطاس بنهاية الاسبوع تلقى مقره عبدالله الصالح الأطرش - الرس ذكر الخزامى عندنا يرفع الراس ترى الرياض الوافيه هي مقره من فاتته (جمعة) يعود بالأفلاس يحصد على ما قيل خيره وشره فالح غازي الحربي - رياض الخبراء يا مرحبا بك عد ذرات الاطعاس واعداد خلق الله بحره وبره وانا رمعت اللغز من بعد هوجاس صلاة جمعة والجوامع مقره علي رشيد الرشيد - رياض الخبراء يا دحيم دوك افلوس يا طير قرناس هات الجريدة كل دكان مره جابه وفيها لغز من طيب الساس ذي ركعتين كل جمعة نكره محمد ابو دحيم - البدائع يا زين طرق اللغز مبني على ساس يا بدر كر اللغز يا بدر كره جاكم جوابه يوم كره من الراس صلاة جمعة وانتهى لا تكره دانه بنت عبدالله السلطان -الرياض يا سوق الاسهم منته مبني على ساس ما ينعرف لك درب ولا لك مجره صلاة الجمعة ركعتيناً بالاحساس ندعي على الهامور يكفينا شره راضي على المطرقي - الخرج اللغز وارد والتفاصيل بقياس واللي يحبك اللغز لله دره ثنتين يشرى لجلهن طيب والباس واللي تفوته جمعة لا يكره سالم البشري - الجبيل كما توصل للحل نثراً: عبدالله سالم الفقيري، نواف نايف المقاطي - المزاحمية، محمد سعد ال الجرو القحطاني. لغز الاسبوع: كتبه الشاعر: محمد أبو دحيم من البدائع ويقول: انشد عن اللي لا لفى تعتنيبه لو إن ما ودك تشوفه قبالك يمشي بدون ارجل ومشيه يعيبه ماهو مرض واحذر يقابل خيالك نستقبل الحلول على الفاكس 4871070أو الايميل: خزامى الصحارى - زاوية لغز الاسبوع.
