اللغز

الاسبوع الماضي كان لغز الاسبوع من طرح الشاعر عواض ضاوي الحربي من الرياض والذي يقول:
يا ويش عذرا ما لها خير أو شر
وجودها مع البشر ماله أساس
توجد مع اللي يشيلها جهر وسر
ومن شالها تنسب لغيره من الناس
وقد توصل للحل شعراً كل من:
سلام مني للاديب الموقر
الي كتب عبر الخزامى ابقرطاس
اللغز يا عواض فيه اتعبر
والظن مني حبة الخال بقياس
محمد بن عقيل الزغيبي - الأحساء
يا مرحبا يا صاحب اللغز ابشر
بالحل يا عواض جبته من الراس
البنت حبة خال بالناس تفتر
ويازينها بخدود عذبات الارماس
صلاح بن عبدالله اليابس
رحيمة
اظن حل اللغز واضح ميسر
للي يدق بخاطره دوم هوجاس
ذي (حبة للخال) احيان تظهر
واحيان تخفيها عن العين الالباس
مشاري بن خالد الدعجاني
شقراء
قمت اتجول وانتف الشعر وافتر
وشبيت نار وجبت دلة ومحماس
بروق الفكر المتحجر وافكر
والحل «حبة خال» مع نايد الناس
محمد بن عبدالرحمن أبو دحيم
البدائع
يا مرحبا ترحيبة ما تغير
تمشي مع القيفان لين وقسا باس
هي حبة الخال ولها لون اسمر
والتسمية قصدك بنوها بلا ساس
سالم البشري - الجبيل
اللغز حله يا فتى الجود يظهر
في وجيه خلق الله ما هو فوق قرطاس
الخال لاجت جبته ضد الاقشر
زادت حلاة وهامبه مرهف احساس
سعد عليثه المطيري - الدوادمي
أهلاً هلا بك عدة الرمل الاحمر
ويا مرحبا بك عد ما تمشي الناس
اللغز حله حبة الخال تذكر
احيان تظهر ما تخفيها الالباس
علي رشيد الرشيد - رياض الخبراء
كما توصل للحل نثراً:
سليمان عبدالله العنزي - عرعر، مرشد خليل العنزي - حفرالباطن، مسلم صنيتان الحربي - القصيم، هليل عياد خليفة الشمري - حائل، مطر نايف العتيبي - الرياض، مسحل شاجع المطيري - حفرالباطن.
لغز الأسبوع
كتبه لصفحة خزامى الصحارى الشاعر محمد بن عبدالرحمن العريني أبو دحيم من البدائع ويقول:
جواب لغزي كاتبه في حروفه
اليا قريت اللغز فالحل باني
وضحت لغزي لا يجيبه كلوفه
عن قرية ما تشاف فيها المباني
نستقبل الحلول على فاكس 4871070 خزامى الصحارى زاوية لغز الاسبوع - كما نرحب بطرح الالغاز الجيدة والجديدة.