الاسبوع الماضي كان لغز الاسبوع من طرح الشاعر سالم البشري من الجبيل والذي يقول: يا ويش رجل شاع ذكره مع الناس هذا وترى اسمه مع الناس معروف كم من كفيف يبخصه عرف واحساس وكم من بصير يدعي قلة الشوف وتوصل للحل شعراً كل من: يا سالم البشري سؤالك على الراس جميل في نظمه وبالقاف محيوف فكرت في لغزك على كل الاجناس لقيت حله ياهل العرف (معروف) علي رشيد الرشيدي - رياض الخبراء عساك يا سالم سليم من الباس تنهي عن المنكر وتأمر بمعروف يا طيب العشرة ويا طيب الساس لغزك هو المعروف نفسه ومعروف محمد عبيد الديحاني اللغز منظوم على عقد الالماس فيه الجواهر من مغطى ومكشوف حله هو المعروف يفعل مع الناس ما يفعله ياكود رجال معروف عبدالرحمن عبيد العازمي يا مرحبا حييت واللغز لاباس والحل يالعمده ذكرتوه موصوف من يصنع المعروف في ناس ينداس مذكور بالأمثال والحل ما يطوف صلاح بن عبدالله اليابس - رحيمه يا مرحبا ترحيبة ترفع الراس بأعداد من لبى وبالكعبة يطوف جوابه المعروف والناس اجناس يالله لا تجعلني للناس ملقوف محمد بن عبدالله اليابس - الدمام يا مرحبا حييت يا طيب الساس واللغز يا سالم عرفناه موصوف حله هو المعروف يا طير قرناس واسلم وسلم يا عسى منت مكلوف فهد بن عبدالله بن محمد التويجري - رحيمه ارسل سلامي والتحية بقرطاس لسالم البشري معطر بمظروف احد من المعروف يوضع على الراس واحد لمعروفه لقى سبعة كفوف علي غنام الغنام من يجحد المعروف ما يرفع الراس ناكر جميل بالردى دوم موصوف ودامه على طبعه يشادي لجساس اشعل فتيل الحرب بالغدر والخوف سرحان عمر الرمالي - الخبر شبيت نار وجبت نجر ومحماس وسويت فنجال على النار محيوف وفكرت باللي شاع صيته مع الناس ولقيت حله داخل اللغز معروف محمد بن عبدالرحمن ابو دحيم - البدائع لغز الاسبوع كتبه فهد الجروان من الزلفي ويقول: يا ويش رجل لفى بقياس رجل بدأ وابتدى دوره يعين بنت تخدم الناس يفتي وتمشي على شوره واللي خطب خاطره لا باس ما يوصله غير جمهوره نستقبل الحلول على فاكس 4871070 خزامى الصحارى زاوية لغز الاسبوع ونرحب بطرح الالغاز الجيدة.
