اللغز

نشرنا في الاعداد الماضية لغزاً شعرياً صاغه الشاعر فهد الجروان من الزلفي وكان حله «المجلس البلدي» واللغز يقول:
يا ويش رجل لفى بقياس
رجل بدا وبتدى دوره
يعين بنت تخدم الناس
يفتي وتمشي على شوره
واللي خطب خاطره لاباس
ما يوصله غير جمهوره
وقد توصل للحل شعراً كل من:
عريب الناس
يا مرحبا يا عريب الساس
إعداد من شجع الكوره
المجلس اللي بدا حساس
والناس بلقاه مسروره
مجلس بلد با ختيار الناس
يظهر مع الصوت بالصوره
علي رشيد الرشيد - رياض الخبراء
سميي ابو نوره
هات القلم واحضر القرطاس
وجاوب سميي يبو نوره
المجلس اللي تبيه الناس
عن وضع الاحياء عطا صوره
يحتاج حكمه وشدة باس
وراع الكسل ما دخل سوره
فهد بن عقيل الطويان - بريدة
سلاحه علم
هذاك ناخب من الجلاس
تقدم ثم اعلن حضوره
غدا نجم لمع كالماس
وقبس ضيه مع نوره
سلاحه علم قوى بالساس
ويبخص نهجه ودستوره
سرحان عمر بن رمال - الخبر
انتخاب
هات القلم والحقه قرطاس
ابرسم الحل بالصوره
وابنتخب ريس نبراس
ريس مجلس معه دوره
محمد بن عبدالرحمن ابو دحيم - القصيم - البدائع
عيدك مبارك
عيدك مبارك وعيد الناس
والدار محميه ومعموره
المجلس البلدي يا ناس
بانت مواريه وسبوره
صلاح بن عبدالله اليابس - رحيمه
مجلس بلدنا
مجلس بلدنا بدا يا ناس
بجهود من ربع مشكوره
كل يدور على النوماس
سجل يبي دعم جمهوره
صالح بن عبدالله التميمي - الرس
وقد توصل للحل شعراً وصعب علينا قراءة الفاكس عدد من الشعراء كما توصل اليه بعضاً منهم نثراً وهم:
ساير مخلف ساير الشمري - بلدة المحير، علي الزولاني - فيفا، دغيم فهد الخمشي العنزي - الرياض، احمد سليمان الفراج - الزلفي، متعب محمد حماد العنزي - الرياض، سعد نهار الشمري - حائل.
ولغزنا لهذا الاسبوع نظمه الشاعر هندي بن ثابت العبيثات حيث يقول:
يا ويش رجل شايل في يده حد
يشهر سلاحه في وجيه الرجاجيل
لو كان ماهو طيب الخال والجد
تطيع له ناس قروم مشاكيل
نستقبل حلولكم على فاكس الجريدة - لغز الخزامى - 4871070