اللغز

لغز الأسبوع الماضي من طرح الشاعر علي جابر آل زولان من فيفا والذي يقول:
جميل يتحدى جميع المساحيق
يضفي على الزاهي مع الزين هيبه
تجده مع اللي هام معها المطاليق
لا زال آية في مكانه عجيبه
نايم على شبه المهند ولا يضيق
هاتوا جوابه ما عليك صعيبه
ولم يتوصل للحل سوى:
تر الذهب ينفعك في ساعت الضيق
لكن غالي قل ناس تجيبه عزامن
ايوثق من على الخشم توثيق
يهديه محبوبن لذيك الحبيبة
سعد صنهات السهلي - الدرعية
لو النقاب اخفاه سحر العشاشيق
ياما تغزل به حبيب لحبيبه
يزهاه أنف الزين به سُم ماذيق
ازمام تحت لثام من تعتنيبه
فهد بن عقيل الطويان - بريدة
يامرحبا بك عد من يسكن طويق
واعداد خلق الله كبار وشبيبه
ياصلك حل اللغز صدق وتوثيق
هذا زمام بخشم بنت اديبه
علي الرشيد رياض الخبراء
هذا زمام بلابسات البخانيق
في صوح خشم البنت حاجة غريبة
بياض خده مثل لون الغرانيق
زين على زينه وهذي عجيبه
محمد أبو دحيم - البدائع
لغز الأسبوع
طرحه الشاعر محسن عبيد الشهلي من الرياض ويقول:
انا بنشد هل الالغاز واهل المعرفة والذوق
وش الرجال أبو بطن كبير ولا يذوق الزاد
مغير الماء طعامه والرجل ساكن له بشاهوق
وله أخو يفوقه بالكبر قاعد على المرصاد
نستقبل الحلول على الفاكس 014871070
ويفضل الارسال على الايميل
rb-khozama@alriyadh.com
ونرحب بطرح الألغاز.