اللغز

الأسبوع الماضي كان لغز الأسبوع من طرح الشاعر فرج ظاهر الغرنوق والذي يقول:
يا عالم بغيب عن الناسب مخفيه
يا راحم اللي بالخلا ركدنه
يا مراعي اللي ماله ام تراعيه
لا هو رضيع ولا بدخل حضنه
فوقه قطاب القاع والرمل غاشيه
وقد توصل للحل عدد لا بأس به من الشعراء، أما نثراً فلم يصل القسم سوى ثلاثة حلول ليست صحيحة:
حييت يا فراح والحل كنه
بيض الجراد من دون أم تواليه
لا جاء ربيع وصارت الأرض جنه
بمر الوالي البيض يفقس ويحييه
عبدالله عبدالرحمن عمر اللاحم
- الشماسية
فرج ابن غرنوق مبدع ابفنه
والفذ من طرحه تفهم معانيه
بيض الجراد الغز يوم اعرسنه
بل الرضى ومن نزل الغيث يحييه
عواد بن مطرود الشبرمي
- حائل
بيض الجراد الي بالأرض زرعنه
في قدره الل تاضعه ثم تخليه
لا باكين لهن ولا هن بكنه
هذا حسب عد في ويجوز اني أخطيه
جميعان معيوف الشمري
- حائل
ارسل سلامي للخزامي وثنه
عده على الغرنوق تقدير نعطيه
اللغز حله من بنات وضعنه
بيض الجراد السيل لا جاه يحييه
علي الرشيد - رياض الخبراء
بيض الجراد والجراد ادفننه
وسط الحصاري والله اللي يراعيه
حماه ربي والمواشي وطنه
بالله تجيب السيل وتنبت مراعيه
محمد أبو دحيم
- البدائع
يالله ياللي وهبته زود منه
كل الخلايق للمهات ترجيه
ازرق ضعيف ماله ام تحنه
بيض الجراد اللي تحطه وتخفيه
فالح غازي الحربي
- رياض الخبراء
سبحان من يعلم خففا ما نكنه
يا منجين ذا لنون مما ابتلى فيه
اللي تركن بالارض من خلفنه
هذا الجراد اللي ولدها تخليه
عبدالعزيز العنزي - بريدة
للحل في مجلس هل الجود سنه
لا صار في سلم العرب من يحاكيه
هذا الدبا يوم امهاته تكنه
يطلع إلى جته المسايل تساقيه
سالم معزي الفهيقي - تيماء
اللغز وارد والرموز كشفنه
اللغز يكشف لو مسويه يخفيه
هذا الدبا يوم امهاته رمنه
الله هو اللي خالقه ثم يحييه
سعد صنهات السهلي - الدرعية
يا اللذي طرق المعاني خذنه
بيت من الماضي كوى قلب راعيه
والشاعر اللي صاغ لغزه وفنه
عساي ما خطي ثم اجنب حراويه
بيض الجراد بأمر ربي غطنه
ولا در حوله يكتمل ثم يحييه
نايف جزاع الفريج الفهيقي - الجوف
اللغز مضبوط ومضبوط فنه
واللغز معروف ومعروف راعيه
ياظاهر الغرنوق صيف وكنه
بيض الجراد الحل والرمل غاطيه
الشاعر عبدالمحسن محمد المحيسن
- رياض الخبراء
يا زين بدعه للمثايل وفنه
الشاعر اللي كاملات معانيه
والغز بيض بالنفود ادفننه
بيض الجراد، ومن يعده ويحصيه
هادي عوض الحربي
- قبة
لغز الأسبوع
طرحه الشاعر علي جابر آل زولان من فيفا ويقول:
جميل يتحدى جميع المساحيق
يضفي على الزاهي مع الزين هيبه
تجده مع اللي هام معها المطاليق
لا زال آية في مكانه عجيبه
نايم على شبه المهند ولا يضيق
هاتو جوابه ما عليكم صعيبه
نستقبل الحلول على الفاكس 014871070 ويفضل الارسال عبر الايميل rb-khozzama@alriydah.com ونرحب بطرح الألغاز.