اللغز

الأسبوع الماضي كان لغز الأسبوع من طرح الشاعر أحمد المحرج من الرياض والذي يقول:
يا ويش بنت شغلها دوم مدفون
يا ما جماعة احدثت بينهم فرق
اللون سودا فعلها سم وطعون
تعشق بياض اللون بالسرق والدرق
تمشي بطيئة ظنتي مالها عيون
بكل اتجاه تسير بالغرب والشرق
ورغم وصول أكثر من 183 حلاً عن طريق الفاكس والايميل ولم يصل للحل سوى:
نبي نحل اللغز وبليس ملعون
ببيوت شعرن لاهديه ولا سرق
اللغز سوسة سن والناس يدرون
والمعرفه كالرمح يزرق بها زرق
عايد خلف الصقر
يالمحرج حل اللغز واضح ومضمون
اجاوبك بالحل والقاف والطرق
هذيك خلت صاحبك ماله سنون
السوسة اللي تسرق أسناننا سرق
خليف راضي العجيلي - الرياض
البنت سوسة وبفعلها تسهر عيون
ينوح مجروحه كما نالج الورق
وتشين الشينه من شينها سنون
ولاضنتي في حسها ينوجد عرق
جميعان معيوف الشمري - حائل
ابن محرج جابها قافية نون
والقاف بتلا البيت سوى له الطرق
زرت الطبيب وقال ماعندك اسنون
ذي سوسة بالضرس هذا هو الفرق
عبدالله عبدالعزيز الرفيعي - البكيرية
ابشر بحل اللغز واقول ممنون
سوسه بضرس الادمي تحرقه حرق
كم واحد من فعلها تقل مجنون
يسهر طوال الليل ويجاوب الورق
محمد أبو دحيم - البدائع
يا أحمد المحرج لك الشكر مليون
اتحفتنا باللغز مع جودة الطرق
والحل سوسه تخرب ضروس وسنون
تقضي على الاعصاب ودمر العرق
علي الرشيد - رياض الخبراء
يالشمري عادي عساكم تعيشون
اقول حل اللغز من تعشق السرق
السوسه اللي بين بنيان وسنون
تحرق جميع اسنان من تعشقه حرق
مخلد خرصان الشيباني - الدوادمي
يا أحمد ولو اخفيت مهما تخفون
الحل والمعنى نجيبه على الطرق
ان كان تدري فاكثر الناس يدرون
السوس يعدم سنك وياصل العرق
محسن عبيد السهلي
سلام يا مبدع اللغز بفنون
يا أحمد المحرج ما يعجزك طرق
الحل سوسه تاكل الضرس وسنون
تحرق جوف الضرس بمشيها حرق
عواد بن مطرود الشمري - حائل
وانصحك بالمسواك وان قل معجون
والأفضل المسواك يا بادع الطرق
سنة محمد فرض واجب ومسنون
والسوسه دايم فعلها حرق في حرق
علي جابر آل زولان الفيفي - بيشة
المحرج اللي صاغ لغزه على نون
حنا نعرق البيض وميز الرزق
السوسه اللي شغلها تاكل اسنون
تحرق فواد السن من داخله حرق
سعد صنهات السهلي - الدرعية
اللغز اللي بالجريده تقولون
هذا جواب اللغز بالوزن ولاطرق
السوس الي ياصاب الاسنان ملعون
يلعب عليها ويحرق جذورها حرق
رواف عجزم سمير العنزي
كما حل اللغز نثراً ربيع سالم سعد العبدلي - الرياض
عبدالرحمن إبراهيم المشعل، هادي سعد الدوسري
لغز الأسبوع
كتبه للصفحة الشاعر فرج ظاهر الغرنوق ويقول:
يالله ياخلاق نار وجنّة
يا عالم بغيب عن الناس مخفيه
يا راحم اللي بالخلا ركدّنه
يا مراعي اللي ماله أم تراعيه
لا هو رضيع ولا بدحلٍ حضنّه
فوقه قطاب القاع والرمل غاشيه