الأسبوع الماضي تأجل لغز الأسبوع بسبب مهرجانات اليوم الوطني وكان لغز ما قبل الأسبوع الماضي للشاعر محمد بن عبدالرحمن أبو دحيم من البدائع والذي يقول: بعض العرب يحتاج لغزي وشاله شاله وحط الحل بالموقع الزين حطه مكان الأصل يبغى الشكاله أربع حروف اللغز وإن قلت حرفين وحلول اللغز شعراً: وليا خلعت الضرس ركب بداله شاور طبيب اليوم والا طبيبين السن مرمر والصناعة دلالة هذا جواب اللغز جاكم ببيتين عبدالمحسن بن محمد المحيسن - رياض الخبراء الله يوفقنا نقدم جماله الربعي اللي للمواصل حريصين واللغز حله سن يبقى بداله يصنع من المرمر ويصلح بليتين علي رشيد الرشيد - رياض الخبراء يا بو دحيم الحل جاك برسالة ارسلتها لأهل الخزامى الوفيين أخبرتهم بالحل لا جاء مجاله الحل مرمر والنشاما حريصين راكان عبدالرحمن العريني - البدائع يا بو دحيم الرد جاك بعجاله جيا جوابه للرجال العزيزين سنونٍ قديمه جاب مرمر بداله وغيَّر سنونه واصبحت تسعد العين محمد بن عبدالعزيز الخنيفر - أشيقر اللغز لبو دحيم ياحي فاله ما يطلب الطيب على الراس والعين لا ركب المرمر يزيد بجماله زين الحلا. والشين لو يلبسه ين فهد بن عقيد الطويان - بريدة يا بو دحيم الحل بين سؤال وأنا لقيت الحل يابن الكريمين والحل مرمر سن يزرع لحاله والطب بارع بالزراعة من سنين محمد صالح الأطرش - رياض الخبراء نبي نحل اللغز لا جاء مجاله وحنا نشجع مثل ناس كثيرين حله من المرمر لسن بداله والظاهر رن الأصل ما يعاد له شين بهد أبو طلال - الجبيل الصناعية أبو دحيم الجود والطيب قاله الحل واضح ما يبي له عناوين إلى تعب سنك فدور بداله ركب بداله سن مرمر يجي زين بدر عبدالله السلطان - الرياض لغز الأسبوع كتبه مخلف سعيد الشمري من الأحساء ويقول: ويش شيء واضح بهاك البطين دايماً معنا ولا عنه غنات شكله مدور ووسطه فتحتين وله أشكال منوعة شي ثبات ما أنت حوله وافهمه كأنك فطين اسمه مذ كر ولا فيهم بنات نستقبل الحلول على الفاكس4871070 أو الإيميل [email protected] كما نرحب بطرح الألغاز الجيدة.
