اللغز

الأسبوع الماضي كان لغز الأسبوع من طرح الشاعر أحمد المحرج الذي قد أعدنا نشره والذي يقول:
يا ويش رجل ما تشيله متونه
موجود من عهد الصحابه والاجداد
وسطه ورع ما احد يعرفه بدونه
ثلاث مرات يردد بالانشار
ويقفاه رجل ناس واجد يبونه
والورع مره فيه واللغز ينعاد
وقد توصل للحل:
ورعك يبن محرج بانت عيونه
احد حروف من لغة سين والضاد
اللام موجود بالليل وسكونه
ويقفاه النهار الحرف مره ولا زاد
نواف الشمري
يا مرحبا اعداد برق ومزونه
يطيح وبله ينفع الناس الاجواد
الليل فيه الام ياللي ترونه
ثلاث مرات تكرر بالاعداد
مقرن بن متعب الهرف - الرياض
اللغز لا يذ واتعب اللي يبونه
امضيت مده بالتفكر ولا فاد
واليوم جاك الحل مالك مهونه
ترى الجواب الليل وابياتي اجداد
بدر عبدالله السلطان - الرياض
الحل ما وافق لمن يرفعونه
واكبر دليل اللغز كرر وينعاد
(والليل) حله ما يجيكم مهونه
والورع لام امجاوب كل نشاد
علي رشيد الرشيد - رياض الخبراء
اللغز طول ما عرفنا تفونه
سألت جيراني وربعي والاولاد
رمعت حله مثل ما يرفعونه
وهو تراه الليل به نوم ورقاد
محمد أبو دحيم - البدائع
لغز الأسبوع
كتبه الشاعر سالم البشري من الجبيل ويقول:
انشد عن اللي ينطح الشيل ويشيل
تلقاه يقدم بالوجيه الفليحه
يشتال شيله حشمة للرجاجيل
والعود الازرق يفرق بزين ريحه
* نستقبل الحلول على الفاكس "4871070" أو الإيميل rb-khozama@alriyadh.com