اللغز

الأسبوع الماضي كان لغز الخزامى من طرح الشاعر محمد الرشيد من الرياض والذي يقول:
بنت تعيش من المصايب وتعتاش
معسوفةٍ تلقى ظهرها تقل كف
له موقف بين هلا يبرد الجاش
في حكمها ما ينفعك كثرة اللف
تصغر لها روس وتدفع لها كاش
لا ضاعت الحيلة وحيل الفتى جف
وقد كان عدد الحلول الصحيحة مقارنة بعدد الحلول المرسلة قليل جداً:
يا محمد هذي رمعتي ما بها نقاش
للغز صطحة شفتها تدور وتلف
ما تلتفت لك لين تدفع لها كاش
وما هي بحالك لو تصيح وتلهف
عبدالعزيز العنزي - بريدة
كل على ما قبل يتعب ويعتاش
احد على السطحة يلف البلد لفه
واحد على ما قيل راعي للادباش
واحد على ما قيل تاجر ويعرفه
محمد عبدالرحمن أبو دحيم
محدن يخدم الناس ذل الوقت بلاش
ومحد يسلف قلت ياللي تسلف
الصطحة اللي حقها تدفعه كاش
هي تنقل الخربان وانكان وقف
محمد خالد السهلي
اللغز يا محمد يبي كشحة فلاش
وتصفيق للي ناظم أبياته بصف
الحل (سطحة) يوم الاصحاب ماهناش
لا صار بالموتر خلل أو بغى دف
محمد الزبن الخالدي - الرياض
اللي اخترعها عاش ونقوله عاش
حنا نصفقله بكفن على كف
الصطحه اللي صطحها مابه فاش
لا من لقاء الخربان ديور لهو لف
سعد صنهات السهلي - الدرعية
يفداك يامحمد على لغزك اللاش
يا زين طرقه فز له قلبي ورف
الحل (سطحه) عاش سواقها عاش
تفزع لك ان سفيت كل التعب سف
أحمد بن ناصر المحرج - الرياض
هديت لي حر ولا هوب ينداش
يكفح فهنا ويجيب صيده على الشف
اللغز يا محمد لقيناه منحاش
سطحه تشيل وسايق الشيل يصرف
محسن بن عبيد السهلي - الرياض
اللغز مليان ولدنيه غباش
الضابط اللي يضبط اللغز يعرف
سطحه تشيل الكارمن وسط الاحواش
هذا جواب اللغز والحل لي شف
عبدالمحسن المحيسن
كما توصل للحل نثراً:
ملهي مرزوق العبدلي - الفويلق، عبدالرحمن السواجي.
لغز الأسبوع
كتبه للصفحة الشاعر محسن عبيد السهلي من الرياض ويقول:
يا ويش رجال طعن بطن رجال
ومن زود جوره قام يشلع جنوبه
الاول اذا شفت بتهتال
والثاني اللي جاه ما هي عقوبة
لكن غدو للناس فرجة بلا مال
تفرجوا ثم الاول حكوا به
نستقبل الحلول على الفاكس (01/4871070) ويفضل الارسال على الايميل rb-khozama@alriyadh.com ونرحب بطرح الألغاز.