اللغز

الأسبوع الماضي كان لغز الأسبوع من طرح الشاعر عواد مطرود الشمري من حائل والذي يقول:
انشدك عن اللي ذبحهم من أذاهم
من زام منهم فالسيوف حذفته
قادنهم خفزات منهم غذاهم
ويترك بعضهم من سبب صغر سنه
ومع ورود العشرات من الحلول إلاّ أنه لم يقم باصطياد اللغز سوى:
تقليمهم يا صاح يعني جزاهم
دام الامر واجب من الله وسنه
قص الاظافر من هدي خير فاهم
جواب صبايب دون يمكن واظنه
علي جابر آل زولان الفيفي - بيشة
يالشمري الحل جاك وتفهم
لا طالت الاظفار سيوفك ردنه
ياشينها لامن سيفك نبرشم
اظافرك تشغلك لو ما اقرضنه
حبيب بن فريح الهويملي .البدائع
يا مرحبا باللي هدفنا لقاهم
اهل الخزامى للمعالي مظنه
اظفار حل اللغز ما اكثر غثاهم
الشخص لاطالن فهن نرفزنه
علي رشيد الرشيد - رياض الخبراء
الناس غاية ما تحقق رضاهم
واصابعك باظفارها مستكنه
وسيفك مقص اظفار مانيب واهم
يقضي على الاظفار شغله وفنه
عبدالرحمن صالح المفضي
تنشد عن اللي ذبحهم من اذاهم
هذيك اظافر والمقارض رمنه
هذا جواب اللغز مانيب واهم
جاكم جواب اللغز من دون منه
محمد أبو دحيم
من كان متمرس بالالغاز فاهم
وامعن التفكير ما يعجزنه
لغز ابن مطرود ابغى احله واساهم
قال الاظافر والاصابع غذنه
سعود الحربي - القاهرة
انا لقيت الحل مانيب واهم
الحل واضح ما يجي فيه منه
هذي أظافروا الاصابع وراهم
مع النظافه زود تطبيق سنه
فالح غازي الحربي
اللغز واضح مايبي لهم تفاهم
عزالله ان الشمري صاغ فنه
ذيك الاظافر صايره بالاباهم
شف ذبحهم يا صاحبي صار سنه
عبدالعزيز العنزي
نبي نساهم يوم كلن يساهم
وكلن يحل اللغز حسب مضنه
الحل يا عواد كان ماني واهم
هن الاظافر يازمن.. قصهن
زبن مقبل العنزي
كما توصل للحل نثراً
عقلاء مثقال العبدلي.الفويلق ربيع سالم العبدلي.الرياض
لغز الأسبوع
كتبه الشاعر أحمد بن ناصر المحرج من الرياض ويقول:
يمشي مسافات ويوقف مسافات
عزبي لمنهو واجهه في طريقه
مثله قليل جل رب السموات
ياقف على سته وكاد وحقيقه
اول يبونه وان لفى له علامات
واليوم ناس صابها منه ضيقه
نستقبل الحلول على الفاكس (01/4871070) أو
الايميل rb-khozama@alriyadh.com ونرحب بطرح الألغازالجديدة.