اللغز

الأسبوع الماضي كان لغز الأسبوع للشاعر عامر بن ناجي بن ساجر والذي يقول:
وش عاليه متعليه راس الطويل العالي
حديثه المنشا وفي عهد الملك عبدالله
فيها الحدب وأم الرطب والرمز رمز غالي
في دولة لا هي مهزومة ولا محتلة
والحلول شعراً من الشعراء كنت على أوران مختلفة:
الساعة اللي عاليه فوق الحرم منزالي
معلم حضاري تبهج الخاطر ومنظر فله
هي بسم مكة بأمر أبو متعب بناها الغالي
أضبط عليها ساعتك ميقات لك ما شاء الله
مقرن بن متعب الهرف
هذا ملكنا زين الأوصاف من مقاديم الأبطالي
شيد صرح الوطن بجنب بيت الله
به ساعة بعالي البرج يضرب بها الأمثالي
الله يحفظه ويدم أخوانه عزوة(ن) له
لغزك عرفته وحلها يحلالي
وعلى إميل الشمري نرسله
هي ساعة مكة واضحة يالغالي
وكل على ما قيل يرسل حله
مخلف سعيد الشمري
ساعة قريت اللغز يا ناجي وجا في بالي
الساعة اللي في الحرم هذا هو حله
حمد بن عبدالله الوايلي - حوطة سدير
ساعة قريت اللغز له حل خطر في بالي
ما غير ساعة مكة ومن شافها يفطن له
ساعة لها يا عامر بوسط الحشا منزالي
من حب قايدنا وحب أرض الوطن منتله
عبدالله حبيب
سلام لهواة اللغز والمشرف ابن رمالي
ورانا من أول نظرتي لغزك وصلت لحله
الساعة اللي ساق فيها من عزيز الالي
خادم بيوت الله على البيت الحرام مطلة
عمر بن عبدالعزيز الصالح - حائل
ذي ساعة الخير اللي لها بالقلب منزالي
من قايد الشعب أبو متعب حفظه الله
في مكة الخير وصارت مضرب امثالي
في منظر زاهي بالشوف ما نمله
محمد بن عبدالعزيز الخنيفر - أشيقر
معلم وتحفه عاليه مع جمالي
ساعة فوق الرواسي مطله
ما أحدٍ تخليها من اول وتالي
شيدت بم القرب ابعهد عبدالله
سعود عائش الحربي - جدة
بعض المعالم نورها فوق إيلالي
لغزك يا امر عارفينه ندله
ساعة فريدة فوق صم الجبالي
في مكة اللي طاهره في محله
عبدالمحسن بن محمد المحيسن
رعي يقول الساعة اللي بالحرم لا تالي
ومر بها خادم البيتين فخر الشعب كله
يا جعلها في موازينه تضاعف من الوالي
والله يعزج وينصر به كتاب الحق والمله
علي جابر آل زولان الضيفي - بشة
وحل اللغز نثراً: إبراهيم صالح الجلعود - الرياض.
لغر الأسبوع
للشاعر محمد عبدالرحمن أبو دحيم من البدائع ويقول:
بعض العرب يحتاج لعزي وشاله
شاله وحط الحل بالموقع الزين
حطه مكان الاصل يبغى الشكاله
اربع حروف اللغز وان قلت حرفين
نستقبل الحلول على الفاكس: 4871070 أو الإيميل rb-khozama@alriydh.com.. ونرحب بطرح الألغاز الجيدة.