اللغز

الأسبوع الماضي كان لغز الأسبوع من طرح الشاعر مشواح ثامر الشمري والذي يقول:
أنشدك عن بنت تفكرت فيها
إليا مشت تقول تاطا على ياي
في صدرها ما بين أسافل يديها
تمّن عزيز عن خطر مفتنن جاي
وقد توصل للحل شعراً:
ياالشمري السالفه كل أبيها
كنغر يشيل ابنه وهو رايح جاي
تركيبتك صعبة وأنا احترت فيها
رامي وأنا غيري ثمانين رماي
سعد صنهات السهلي - الدرعية
يالشمري مشواح بنت تبيها
شفته على الشاشة وأنا فوق مركاي
الكنغر الأنثى ترى ما تجيها
إديارنا ياعزوتي وإسمع الراي
فهذ بن عقيل الطويان - بريدة
اللغز يا مشواح وضحت فيها
الحل سهلته مثل شربة الماي
يا طول رجليها وما أقصر يديها
هذا هو الكنغر ولا به ترواي
محمد سعد إبراهيم اليحيى - الدوادمي
المفترس لا منه أقبل عليها
تخفي ولدها بجيبها بأمر مولاي
الكنغرة يا ناس يا جاهليها
حسب اعتقادي والله أعلم وباي باي
ظاهر الشحيتان الشمري - حفر الباطن
هذه هي الألعاز اللي يبيها
يالشمري مشواح يا صايب الراي
الكنغر اللي ورعها غاص فيها
يا قربها في الشكل من عازف الناي
صالح بن عبدالله الجلعود - القراين
الغاز أبو ثامر أنا احترت فيها
لجيتها من هاي تفتر من هاي
رمعت لي رمعة وأنا أشك فيها
الكنغر اللي فالنحر مثل مخباي
بدر ناصر السهلي - الدرعية
يالشمري اجابتي باعطكيها
باعطيك حل اللغز باسمي وبامضاي
حله ترى (الكنغر) بلا شك فيها
ووليدها بالجيب من خوف رماي
سعود عبدالرحمن الدغيلبي - الرياض
سبحانه اللي خالق الخلق محصيها
بأمره سبحانه كون الحي من ماي
للغز رمعة ياعرب ليت مخطيها
حله الكنغر ياعسى يصيب مرماي
خليف الحربي - الرياض
كما قام بحله نثراً: ربيع سالم سعد العبدلي - الرياض، عبدالرحمن السواجي، صلاح راشد المطرفي.
لغز الأسبوع
كتبه للصفحة الشاعر أحمد المحرج من الرياض ويقول:
يا ويش بنت شغلها دوم مدفون
ياما جماعه احدثت بينهم فرق
اللون سودا فعلها سم وطعون
تعشق بياض اللون بالسرق والدرق
تمشي بطيئة ظنتي مالها عيون
بكل اتجاه تسير بالغرب والشرق
نستقبل حلول اللغز على الفاكس 014871070
ويفضل الارسال على الإيميل
rb-kozana@alriyadh.com
ونرجو بطرح الألغاز.