اللغز

الأسبوع الماضي كان لغز الأسبوع من طرح الشاعر سعد صنهات السهلي والذي يقول:
ويش الخفيف اللي محال تشيله
لو تجتمع كل البشر ما قوت له
محد يحاول به ولا فيه حيله
ولا احتاجته بعض الأوادم لجت له
وقد توصل للحل من الشعراء:
حييت يا راعي العلوم الجزيله
واللغز دايم يا سعد نلتفت له
ظلال يحمينا شموس المقيله
لا صار وارد هان نقظه لفتله
صلاح بن عبدالله اليابس رحيمة
يا مرحبا واعداد وبله وسيله
بالشاعر اللي بان حله وفتله
اللغز واضح ما يبي له دليله
ظل جميل والعيون انظرت له
فالح غازي الحربي - رياض الخبراء
يا مرحبا باللي علومه جميله
الحل ظل ورمعتي ناسبت له
يذهب ولا ينشاف وقت المخيله
ولا يسمع العالم ولو صوتت له
محمد أبو دحيم - البدائع
يا الله يا منشي سحاب المخيله
يا مستجيب الدعوه اللي رقتء له
انك تدخلنا ظلال ظليله
والظل حل اللغز رجلي مشت له
علي رشيد الرشيد - رياض الخبراء
قال الذي لا قال يعرف دليله
والقاف ما يبخل بنقضه وفتله
حنا نحل اللغز بأهون وسيله
الحل ظل برمعتي يوم جتله
طلال فالح الغاوي الحربي - القصيم
يا مرحبا ما لاح برق المخيله
سعد سأل وإحلولها وجهت له
الظل حلَّ اللغز عندي دليله
الناس عن حرَّ اللواهيب جتله
فهد بن عقيل الطويان - بريدة
اللي بحر الشمس واعزتي له
وعينه تهاب الظل ما تلتفت له
الظل حله ما يبي له دليله
قلة قليلة يا عرب قربت له
سعد مويزر مشعان البدراني - الرس
حب الخزامى واهلها له دليله
بخدمة تراث اسلافنا اللي سعت له
الظل وقت القيظ ما احلى مقيله
خفيف مير الاستحاله تشيله
سعود عائش التميمي الحربي - القاهرة
لغز الأسبوع
كتبه الشاعر سعدون الشمري من الجبيل ويقول:
ويش رجل لا رباع ولا سديس
واعتلا عوص النجايب والمسوس
لا نظرته تعرف إن العيس عيس
بكرته حره وهو صنع المجوس
نستقبل الحلول على الفاكس 4871070أو الإيميل:
khozama@alriyadh.com