اللغز

الأسبوع الماضي كان لغز الأسبوع من طرح الشاعر سالم البشري من الجبيل والذي يقول:
ويش ورع قضبه والده درب السنع
والمصيبه شقلبوه الجماعه ربع أبوه
لو يصيح العود بالصوت ورعه ما سمع
والجماعة تسمع صياح من صاح اتركوه
وقد توصل للحل:
بالخزامى لغزم سالم صعءب سهءل مُمءتنع
قال فيه إن الجماعه عود جاهم شقلبوه
ذاك بيءت الشعءر قاله من يحاور مُقتنع
في صفوف الرد عجزه قبل صدره ردّدوه
فهد بن عقيل الطويان - بريدة
مرحباً حييت يا صاحبي وأنت استمع
بيت لا مني بدعته صفك شقلبوه
شاعر بالملعبه يوم وقف لك قنع
والأوادم تسمع بيوت قاف رددوه
صلاح بن عبدالله اليابس - رحيمة
مرحبا بك يا هلا كل ما طير نزع
شكل لغزك باللقا بالمحافل صوروه
بيت شاعر ولفه في ضميره وارتفع
والصفوف اتردده يوم قاله واحفظوه
علي رشيد الرشيد - رياض الخبراء
مرحباً يالبشري اسمع تسمّع من رمع
كم سمعنا شاعر الملعيه قال اتركوه
الولد لاني طلع عادة له ما رجع
بيت شاعر والصفوف الوقوف وشقلبوه
محمد أبو دحيم - البدائع
لغز الأسبوع
كتبه: سعد صنهات السهلي ويقول:
ويش الخفيف اللي محال تشيله
أو تجتمع كل البشر ما قوت له
محد يحاول به ولا فيه حيله
ولا احتاجته بعض الأوادم لجت له
نستقبل الحلول على الفاكس
4871070أو الإيمل:
khozama@alriyadh.com