اللغز

الأسبوع الماضي كان لغز الأسبوع من طرح الشاعر سعدون الشمري من الجبيل ويقول:
ويش رجل لونوه اهل العلوم
يا جماعه سايد في المجتمع
لو يطول الوقت ما اظنه يدوم
واضح واحيان ما هو يزمع
وقد توصل للحل شعراً:
مرحباً في كل وقت وكل يوم
يا رجال بالخزامى تجتمع
غيروه لكذب ابيض والسلوم
عندنا هو كذب لو انه لمع
صلاح بن عبدالله اليابس - رحيمة
يا هلا بسعدون والرمعه تحوم
حول فعل عيب يقرا وينسمع
كذب الابيض من سمع وانت محشوم
قاله الظالم بخيل ومن طمع
فهد بن عقيل الطويان - بريدة
مرحبا بك عن طلعات النجوم
اجمع الافكار كوده تجتمع
والمعاني واجده قامت تحوم
حل لغزه (كذب ابيض) ياالربع
علي رشيد الرشيد - رياض الخبراء
بالدين ولاّ العقل ولاّ بالسلوم
الكذب ما بالصدق عمره يجتمع
لو حاول الكذاب تلوين العلوم
لابد ما يكشفه وقت او مستمع
سعود عائش التميمي الحربي - القاهرة
لغز الاسبوع
كتبه فالح غازي الحربي من رياض الخبراء ويقول:
عيال لهم نفع ومشاكل كثيره
ان اصبحوا عارين ما يوجد لحاف
وسط البحر والبر في كل ديره
فيهم امان ومنهم احيان ينخاف
من جنبو داره نجومه كثيره
واللي يجون بديرته خير وارياف
نستقبل الحلول على الفاكس 4871070أو الايميل khozama@alriyadh.com
كما نرحب بطرح الالغاز الجيدة والجديدة واهلاً بالجميع.