عواكيس

*الغالي معوكس اللي أعرفه أنك ناقد صريح ودي تقول لي بصراحتك المعهودة وين اتحاد الكرة والرئاسة العامة لرعاية الشباب عن ذا القصات اللي تحوم الكبد انت ماشفت مختار والعبسي ومعاذ في مباراة الشباب والاتحاد؟
بندر العصاي-عنيزة
- اقول الحمدلله على نعمة العقل وياليتهم يدققون في المراية الواحد كن رأسه عرف ديك رومي!
*الحبيب ابو العواكيس ياخوي انت وش جالس تسوي ماغير تمسخر في ذا العالم خف شوي تراك ضغطتهم؟
صديقك-حمد الدوسري-ابومبارك-العزيزية
-أقدح من رأسي والكأس كأسي!
*صاحب المليون رسالة ابوالعواكيس أقول جاك العالمي والموسم الجاي ماراح يبقي ولا بطولة وش خليت كانيدا والفريدي والجبرين لا والجاي أحلى يابوالعواكيس؟
سطام ابوسعود- قرطبة
- مادريت عنهم مورينهو وميسي وكريستيان رولاندو!
*الساخر الكبير ابوالعواكيس وش رايك في قرارات لجنة الاحتراف في موضوع قضية الجبرين تشوف أنها منصفة ولا تدل على خوف وجبن وإرضاء لأطراف وأهم شي الكرسي ما يطير؟
نواف الصيخان-حي الفلاح
- وينها ووين الانصاف واللي صدمني يوم طلع ابو برقان يبرر وماحدن فهم شي!
*قاهرهم وحابس دمهم ابوالعواكيس يا أخي وشلون ابوطارق رئيس الرائد اول يقول ماعندنا شي واللاعب هلالي ومصيره عند الهلال وآخرتها سنتر مع الربع يوقع والله ماصدقت عيوني يوم شفته اقول هو ماهوب هو وش القصة؟
أحمد الحمد-بريدة
-دام الدعوى فرد عضلات مايلام يبي يسلم لا يخلونه يطنبح من فوق برج المياه!
*صاحب المليون رسالة الفاهم عكوسي انت مع رحيل مدرب الاهلي البرتغالي بريرا ووش تقترح ياخذ معه؟
عاشق الراقي ابومجد-جدة
- ياخذ شارة القيادة اللي على كتفه والنهاية قاد الفريق من خسارة لخسارة!
*الناقد الاملح معوكس وش رايك في بعض العناوين اللي برايي بايخة مثل واحد مخ وسدحو وغيرها ماتشوف أنها سامجة؟
علي الصالح - الخبر
-شكل اللي يحطها لاعب في رأسه الفول والمعصوب!
*عزيزي معوكس وين اللي أشغلونا بالعنزي أشوفهم أسكتوا أزعجونا ليش مايختاره لوبيز يالله ما اختاره وش عندهم من مهايط؟
عبدالعزيز السعد-حي الشفاء
- أهل المهايط مشغولون بامور أهم يبون الفكة!
*المبدع معوكس أولاً اعذرني عن الغياب عن زاويتك الرائعة لظروف خاصة ودتني للمريخ وودي أتأكد من معلومة سمعت انك رسام وموهوب خاصة في التراث والبيوت القديمة؟
عاشقة الموج الازرق-القصيم
-حشا بيكاسو واللوحة بالمزاد!
*الصديق الوفي معوكس أنا عاتب عليك شكلك تهمل رسايلي تعبت وانا ارسل لك وماغير أفتح الجريدة يوم السبت ولا ألقى الا المقربين لك اللي بالواسطة يا أخي ارحمنا وعطنا وجه وخلك عادل؟
ابوصويان - الرياض
- عادل مثل عدل لجنة الاحتراف وقرارتها اللي تهبل!
*ابوالعواكيس بما أنك محلل فني وش أسباب خسارة الأهلي بثلاثية من الشباب؟
مطلق عبدالله-حي الخزامى
- يقولون الباص قدح وبنشر!
*الحبيب الطيب معوكس تحية طيبة وبعد يقول نائب رئيس الهلال أن شكواهم بيوصلونها لمحكمة الكاس تتوقع يكسبون القضية؟
الشبابي عبودي
- لو يوصلونها للدوري والسوبر مافيه فايدة الدفع الرباعي عامل عمايله!
*عزيزي الساخر صاحب الشعبية الجارفة معوكس تحية محبة وتقدير
يوم طلع بعض الناس من مخبأ المزرعة الشهير من ترشح يحل محله
ابراهيم الكعبي-الرياض
-أعضاء اللجنة اياها مع ريسهم اللي ماعاد لهم وجه عقب الفشيلة!
*الشهير معوكس ماتشوف أن هبوط الاتفاق فارس الدهناء إتي الشرقية خسارة وشيء يضيق الصدر تتوقع يشدون حيلهم ويرجعون لدوري جميل ولا يبيعون عقود لاعبينهم وينامون في العسل جنب الثقبة
فهد الدوسري-الدمام
- ينامون جنب الكورنيش!