عواكيس

٭ صاحب المليون رسالة
معوكس
بعد التحية
ألا ترى ان البيانات والاحتجاجات والبلنتيات تذكر بمسلسل الحيالة بطولة دواس وعيد بن شاكر صاحب بسطة مسابح وخواتم
صديقك - حمد الدوسري
ابومبارك -العزيزية
- حظ عيد بن شاكر يغير البسطة الى مداخلات وبيانات.. استئناف واحتجاجات..
٭ الصديق العزيز معوكس
بعد التحية والتقدير
وش اسباب خسارة الوحدة لملايين الريالات بعد فتح المظاريف
زياد العايد - حي القدس
٭ ما يبي لها ذكاء اللي قالوا نبيه يستخير مرة ثانية واعلنوا التحدي واخرتها نحشه على كيف كيفك!
٭ الغالي الوفي ابوالعواكيس
بعد سلامي وتحياتي
ودي اهدي لك أغنية عبدالمجيد يحلمون وش رايك تقبلها
عبدالرحمن الضويان - الرياض
- يحلمون صارت تجيب الضغط والسكر!!
٭ صديقي الخاص جدا
معوكس
ليه ما يضم الدعيع للمنتخب يعني ما يستاهل ومرماه ما شاء الله افضل مرمى بدون اهداف
بندر العصامي - عنيزة
- ما يبونه يابعد حيي!
٭ حارقهم وحابس دمهم
معكوس
- لماذا لم يوفق المحترف المصري حسام غالي
٭ بلا «غالي»!!
٭ عزيزي معوكس
تحية وبعد
لماذا كثرت المشاكل في ملعب الملك فهد
مساعد العتيبي - الرياض
- بلا من زود ثقافة السيكورتي!!
٭ مرحبا معوكس
تحية وبعد
إلى متى والكوري سول لا يقنع فنيا
علي المبيريك - الرياض
٭ الين يركبون له انوار «زينون»!!
٭ يابو العواكيس ياذيب الفلا - عندي اقتراح عشان ما تلطعنا بالاسابيع وتغيب قهريا وعاذرينك طبعا - ليس ما تاخذ رحلة اضافية عفوا قصدي ورقة اضافية يوم الجمعة خاصة فيك ولاحبابك وكذا ينحل الاشكال واذا على الفزعة أو القطة انا اولكم اقط لو اتسلف من ولد اخوي شغال بكبينة واكيد ما يقصر.
محبك بدر اليعقوب القيصومة ستي
- اما ذيب الفلا قال لك «سامي»!
٭ معوكس ياعسسل صحيح سعد مبارك يملك «مطبعة تجارية ع طريق خريص «لانه عند تحليله للمباراة ذكر كلمة «طبعا» أكثر من دقايق المباراة.
ابويعقوب
- سعد مبارك الف مبارك!!
٭ يابوالعواكيس يحفظلك اولادك ودي تجاوبني ع هاالاستبيان بكل شفافية منشان نستفيد منك ياذوقهم وارجو اختيار الرقم المناسب - هل رسايلي لك 1 - حلوه ومرحة كالنسمة 2 - مملة وغثيثة جدا 3 - كئيبة وطبيا ينصح بعدم قراءتها - انا ناطر النتيجة ومتفائل.
صديقك - بدر
- الخيارات كلها ما تصلح ممكن اتصل بصديق!
٭ صديقي معوكس: ما رأيك في انتشار الربيع هذه الايام ما رأيك في استغلالها ملاعب للشباب والشياب ونكون فرق وتكون تحت اشرافك لخبرتك العريقة وخاصة لفريق الشياب
صديقك - معاذ الحميد - مرات.
- الملاعب ما سرت كميت يونايتد له مية سنة ما تعدى الوشم!
٭ معوكس المحترم سمعنا ان رأسك طاير فيه وشره وترا عنديلك علاج 100% لكن لا تعلم احد. اكويك مع جبهك بمفتاح عجل وباذن الله وحده بوحده..
طبيبك من رفيعة بريدة - حمد التويجري (ابوعبدالله) تعاون وبس وغيره خس.
- تعاون وغيره في دوري المحترفين!!
٭ السيد معوكس صباح الخير شفتك يوم الاثنين في بنده المصيف لابس فانيله زرقاء هل هذا يدل على أنك هلالي ام ماذا؟
عبدالله العبيوي المطيري - الرياض - المصيف
-يدل على اني ايطالي.
٭ أخ معكوس وش رايك بعدما اوقفوا استقدام العمالة البنغالية ان نستقدمهم كلاعبين محترفين في انديتنا..
محماس
- محترفين في صيد الضبان!
٭ يابوالعواكيس ياشبيه البي.بي. تي. فور في حلاك وخفة دمك ظاهرة السب والشتم المنتشرة بين جمهور المشجعين في الملاعب المصيبة تشمل اللاعب وابيه وجده - ياليت يابرنس نصيحة ابوية تربوية لكافة المشجعين.
محمد العلي - القيصومة
- ولا تهون هالمداخلات اللي كان اهلها نايمين في استديوهات القنوات وما يبدأ البرنامج والا والمذيع والان معنا!!؟
٭ اقول ابوالعواكيس وشرايك بخليل جلال لا وحاطينه من افضل خمسين حكم بالعالم ياحظ النصراويين..
ابوخالد الحنيني
- عقب الجروان كل شيء جايز!
٭ الصديق معوكس لك مني كل الاحترام لماذا نادي الاتحاد عندما يهزمه نادي الاهلي يقوم بطرد المدرب من زمان كذا من قبل يولد صلاح المولد؟
اخوك من بريدة - (ابوحمد) محب نادي التعاون.
- يقلد التعاون يوم طرد ابوعسل!
٭ يابوالعواكيس تحية طيبة هل للون الازرق سبب في فوز النصر على الاتحاد في كأس ولي العهد؟
اخوك - صعفق كونزالس - ساجر
- يمكن سبب في المباراة اللي بعدها!!
٭ السلام عليكم حبيبي معوكس وش رايك بلاعبي النصر الأجانب وكذلك المدرب وهل العالمي يحقق بطولة هذا الموسم شكرا تكفى بدون ملفات حواري
اخوك (علي الخيبري - الرياض)
- ما يحتاج خاصة حسام ابورفسة!
٭ الى عزيزي ماي فريند معوكس : ودي اخذ رأيك بصراحة في اداء اللاعب الي مع جنبها، سيول، وياليت تقط معي نوديه لاقرب مستشفى عشان يسوون له عملية تشفيط مدري تشطيب لان عيونه ممغطة وما يشوف زين واعتقد انه يشوف اللاعبين والكورة مستطيلة، بس الظاهر ان الهلال بيتعاقد مع لاعب كوري ثاني اسمه (غدران) اعتقد ان له صلة قرابة بسيول.. نصيحة لك يامعوكس استعمل شامبو صن صليك حق القشرة.. لأن شنبك مليان قشرة،
مع تحيات اخوك بالاسلام: ابوعزيز العتيبي - مدينة مرات.
- سول يبي له تشطيب مفاصل!
٭ تحية وتقدير لك ياابوالعواكيس وشرايك في جزمة التون الملونة؟
سليمان الربيع - خطامة سدير
- كنها عرادته!