عواكيس

* الغالي ابو العواكيس بالله عليك تتابع مساء الرياضية وش رأيك ماتشوف انه صار كنه بعض البرامج اللي تزيد التعصب والاحتقان عند الجماهير
بندر العصاي-عنيزه
- بلا الحياد يبي محايدين مايبي مشجعين الواحد منهم إما يغالط الحقايق ولا يجيب معه تذكرة من كبرها كنها من لوحات الضب الاصفر!
* الصديق معوكس تحية وبعد ياخوي وش ذا المشاكل في نادي الرياض والله زمن يامدرسة الوسطى
عبدالملك المرشد-عرقة
- فرصة إن قبلوه جيبوه عندكم في الملعب الجديد!
* قاهرهم وحابس دمهم عكوسي بعد المحبة عطني المحبة
صديقك-حمد الدوسري -العزيزية
- بعد المحبه اقول الله يعطيك وعليك بسوق الحمام يمدحون الضبان!
*الحبيب معوكس ليش دول يبدل الفريدي وايمانا قدام نجران؟
عبدالله السنيدي-الرياض
-بعذره بلاهم يستعرضون كنهم زيدان واصدقائه!
*عزيزي المحترم معوكس ليش تعاقد الهلال مع سعد الحارثي ؟ والمحياني مكلف 13مليون ما لعب ولا مباراة كاملة؟
صديقك معاذالحميد-مرات
-الاخ دافع من جيبه ريال ولا الدعوى لقافة!
* الاخ معوكس وش رأيك في الكرسي3 في آسيا والمشكلة ان فيه فرق صار لها 13سنة من نهائي آسيا؟
محبك احمد العيسي الرياض
- لاتنسى ان الكرسي دوار!
كولينا
* ابوالعواكيس ليش بعض الجماهير عندهم صار سعد الحارثي خاين ويوم يأخذون الدوخي والغشيان يقولون احتراف؟
فهدالتميمي- القصيم صبيح
- ماعليك منهم اهم شيء (الضب الاصفر) تقبلها بلوحة مثالية!
* عزيزي معوكس اين ذهبت مقولة سعد ارفع رأسك انت نصراوي؟
اخوك المشجع النصراوي الوفي- لافي صالح العنزي
-ذهبت ولا حتى تلتفت!
* السيد معوكس صباح العسل والقشطة هل صحيح ان الكابتن سامي الجابر مدرب الهلال القادم؟
عبدالله العبيوي ابو نايف عاشق حي المصيف(الكويت)
- قادم على بوينغ ولاجامبو!؟
* يامعوكس تعرف تلعب الكورة زين ولا ما تعرف تراني مدرب وش رايك ادربك؟
حمد الافلاج
-لا العب موبايلي!
* ماهو رأيك يامعوكس باصرار الحكام على احتساب الوقت بدل الضائع لاكثر من 3 دقائق وقد تكرر ذلك في مباراتي النصر والهلال امام نجران؟
عبدالله الثبيتي- الطائف
-أسأل بعض نقاد المساء اللي تحولوا بقدرة قادر لكولينا وربعه!
* العزيز معوكس ماذا ستفعل لو كنت في هيئة دوري المحترفين وهل تستطع تغطية العجز المالي للاندية، ام ماذا تفعل؟
خالد السلوم- تبوك
- ابدأ اصرح ليل نهار سنتعاقد ونفعل الين ينتهي الموسم والفرق مديونة!
* الاسد معوكس ليش المصيبيح رفض توقيع سعد الحارثي للهلال معقولة يسويها؟
سعد حميَّد - المدينة المنورة
- اسأل الغنام!!
* ماهي رؤيتك يامعوكس لمستقبل توماس دول مع الهلال خاصة عقب مباراة البارح؟
صالح الهاملي- حائل
-لامستقبل ولا ال بي سي الوعد المطار مع ابومديد!!