عواكيس

* الأخ المحترم معوكس: ماذا تتوقع للمنتخب في المرحلة المقبلة بعد ضم نور ؟
صديقك معاذالحميد_ مرات
-مافيه حيله لو ضموا ماجد والثنيان!!
* عزيزي معوكس الى متى ونحن جمهور النصر ننتظر بطولة؟
اخوك المشجع النصراوي لافي صالح العنزي
- الين تخلص لوحات الضب الاصفر!!
* الهامور معوكس عندنا محلل في الحي يقول ان الدوري ازرق؟
عبدالله المطيري كويتي زاير حي المصيف
- وانا اقول برتقالي!!
* العزيز معوكس وش رأيك ببعض الكتاب اللي هاجموا لاعبي المنتخب قبل مباراة تايلاند بيوم واحد وش تقول عنهم؟
عبدالله سفيان- مكة
- اقول سلم لي على النقد الرياضي!!
* الصديق معوكس هل تظن ان مدرب الهلال سيتطور مع مرور الوقت وبعد ان يتعود على المندي والمظبي؟
حمود الرشيدي- الرياض
- والشاورما!!
* الجهبذ معوكس ماذا تحب ان يقال عنك ناقد ام اعلامي ام عضو شرف ام بتاع كله؟
نواف المريخي- حفر الباطن
-ماعاد فيه نقاد الدعوى كلها جدول اسبوعي للمشجعين!!
* عزيزي معوكس ما هو تبريرك لبعض الكتاب الذين اعلنوا الاعتزال اذا هبط الوحدة هل يكونون عند كلمتهم ام انهم كالعادة يضحكون على القارئ قبل ان يضحكوا على انفسهم؟
خالد الدهمشي
- الا يا معتزلين!!
* استاذ معوكس
تحية وبعد:
من الذي خلف فشل احدهم في الترشح لرئاسة ناديه وفوزه بصوت واحد فقط؟
صالح الحمدان
- يمكن سامي وياسر!!
* منذ 30 عاما يامعوكس وانت منورنا كل يوم جمعة ما قلت لنا متى تصير مقدم برامج عشان نشوفك على الطبيعة؟
فهد السويلم
-مابي مقدم أنا سعادة اللواء!!
* ماهي توقعاتك يامعوكس للطائي وماهي المسافة التي تفصل بينه وبين دوري الكبار.. صراحة ملينا من دوري الجموس ومباريات العصر؟
عبدالله السنجاري- حائل
-بالطياره ولا بالجمس عبارتين!؟
* صراحة يا معوكس ان الاهلي خوفنا شوي عقب رباعية الهلال والله يستر ما يكون القاز خلص ونبدأ بالتراجع؟
اسامة الغامدي – الباحة
-يارجال أنتم أحسن من اللي خلص قازه والديزل !!
سعد الحارثي
* لم نتعرف ياستاذ معوكس على رأيك حول لائحة الانضباط الجديدة ولم نلحظ فيها أي شيء عن الصحفيين عشان يوقفونك ونفتك منك او يغرمونك كم قرش؟
طلال الظفيري
- كم قرش ولا سمكه يابوظفيري!؟
* العنيد معوكس لو انت مدير كرة وش الاشياء اللي تسويها عشان تضمن عدم غضب الرئيس ؟
لافي الخمشي – الجوف
- اطقها نحشه بعد الخسارة!!
* استاذ معوكس ماهو اقرب كاتب الى نفسك.. وبماذا تنصحه وتريد ان ينصحك؟
هادي الروقي
-صديقي صياد!!
* البروفسور معوكس لو كنت مخرج مباراة وش اول شيء تسويه؟ وماهو الشخص اللي رايح تركز عليه؟
بدر اللهيبي
-ادور على الفريان وصحفي ماهوب بعيد عنه دايم يترزز!!
* عرف لنا كلمة استقلالية ومن برأيك يامعوكس يستحقها من الكتاب الرياضيين.. وهل تزور استراحة رئيس فريقك ام تدعوه الى استراحتك؟
سعد المسلم
-كل الاستراحات مأجره سنوي دورية مندي!!
* معوكس ماذا تتوقع ايها العزيز لنتيجة مباراة الشباب والاتحاد بعد المد والجزر في عملية تأجيلها؟
يوسف الفريدي
-أتوقع يفوز الحكم!!
* اخ معوكس عام 2010 خرجنا من الدور النهائي وفي تصفيات مونديال 2011 صرنا قلقين ونخاف ان نخرج من بدري .. ليش هذا التراجع المخيف ومن المسؤول؟
متعب الجعفري
-الطقس والتويتر!!
* الاستاذ معوكس متى طال عمرك تشرفنا في استراحتنا وقص شريط الافتتاح ومنتدى (كيف نبي اعلاما قويا) ونسيطر على الوضع؟
عامر آل سالم – نجران
-إلا الحين نبي الفكة وبس!!
* الناقد الخبير معوكس يقولون ان هناك اربع معدي برامج تحت سيطرتك وكلهم يشاطرونك الميول وان التنسيق يجري بينهم لخدمة فريقك المفضل وان كل واحد يعمل في اكثر من قناة لعيونك وعيون فريقك فهل هذا صحيح؟
ياسر اليامي-عزا الله لوذا المعدين والمقدمين على كثرهم يمثلون فريقهم كان جاب الدوري والكأس!!
* انا لا انكر ان لدينا اقوى الاندية فنيا لكن الدوري من حيث التنظيم ضعيف جدا وهش .. توقفات كثيرة تأجيل وتقديم على حسب المزاج ... واخيرا من المستفيد من كل هذا العبث في جدول الدوري
متعب الشمرى
-لا تنكر هات الدليل يابلاتر!!
* الفهيم معوكس ألا يمل بعض الكتاب من الاطروحات المكشوفة التي اشبه بالمعاريض .. ياليت تسوي حملة يامعوكس وتريحنا منهم؟
فهد السعيد
-اقول أن خبرت حملة علمني الشغالة ودها تحج!!
* الأخ معوكس متى تصبح سواق طيارة عشان تودي وتجيب أصحابك بالمجان ويلقبونك بالسواق الطيار؟
صديقك الجديد محمد المزيد
-حلوه أودي وأجيب على بالك ليموزين!!
الأخ معكوس المحترم
* قال أحدهم ان سبب هبوط مستوى النجم سعد الحارثي الجماهير عندما لقبوه (راؤول العرب) عندك تعليق يا حبيبنا؟
بندر العصاي-عنيزه
-يستاهل لو لقبوه ميسي العريجا!!