عواكيس

*الأخ معوكس.. ماأدري ليش إذا شفت دفاع بعض الاندية يرفعون يديهم للحكم بعد كل هدف في مرماهم. أتذكر مواقف الليموزين والنقل الجماعي؟
عبدالعزيز السالم
-وتذكر بعد تحية الحكم لجماهير فريقه!
*اخوي معوكس الف تحيه هل اجاد رادوي ام لم يجد الكلام هل سؤال اواستفسار منه ولماذا خالد عزيزلايقيم دعوى ضد حسين ويطلع منها أبو عزيز ولا يشطب لك خالص تحياتي؟
اخوك لملوم الرياض
-اقول تعددت المشاكل والطرف واحد!!
* العزيز معوكس وش رأيك في بعض المداخلات الفضائية هل ترى انها نابعة من وطنية ام لميول ودفاع عن الفريق المفضل؟
سعد اللهيم - الرياض
-نابعه من أنا وابن عمي وخالتي على البطل!
* الاخ معوكس بعض رؤساء الاندية دخلوا وسط الملعب ثم همسوا في الحكم وش يقول له لو إنه هلالي ماتجتمع اللجنة؟
الحميد-مرات
-يجتمع الفيفا بكبره!
*الاخ معوكس ترى ما الذي حدث البارحة في الرياض من نام بدري ومن لايزال يرقص من الفرح؟
خالد العرادي- تبوك
-ليه قالك راعي عشتو أتنقل بين صالات الافراح!
وش اللي سواه المرداسي يامعوكس بنجران قدام التعاون، وهل صحيح انه تعاوني صميم؟
محمد ال مري – نجران
-ماسوى الا الخير وشراحيلي!!
*الاخ العزيز معوكس ما الذي حدث بين حسن العتيبي وكالديرون، لايكون الرجال شاف حاله يوم شاف ان ما فيه احت
مهند الحمدان – شقراء
-ولو أبوعلي هاليومين ماشاء الله سهمه منسب كنه سابك!!
* صديقي الوفي معوكس منهو خليفتك في هذه الزاوية اذا اعتزلت وأي فريق من الكتاب اللي رايح يواجه فريق معوكس في مباراة اعتزاله؟
هادي الروقي- الحناكية
-ماغيره «صياد» اللي كاوي بعض الناس، أما الفريق أشوف منتخب سدير الارخص في أوروبا!!
*وش اسوأ شيء يضايقك في الوسط الرياضي يامعوكس «الوشوشة» ام الهمهمة؟
درزي الرويلي- عرعر
-عقب الشكاوي والمناحات والبيانات مافيه شي يفتح النفس!
احمد عباس
*ماهو اصعب قرار اتخذته يامعوكس في تاريخك الرياضي، صحيح انك زحلقت عبدالسلام الهليل عن طريقك؟ ما نقول الله يستر على «صياد» لاتحوسه؟
نواف الخالدي- الدمام
-عبد السلام يبي له أنبراشه من المولد وإلا حديد!
*ما تلاحظ يامعوكس انه من يوم اطلقت الصحافة على احمد عباس «زيدان الكرة السعودية» ومستواه نازل؟
عبدالله الدوسري- الافلاج
-بلاه صدق وقام ينطح اللي قدامه برأسه ولسانه!
* الاخ معوكس متى نشوف الطائي والجبلين يلعبون على نهائي كأس الابطال، ترى ما فيه شيء مستحيل في المجنونة؟
حمود الشريهي- حائل
-لين شفنا قبلهم على النهائي الموج والرمه!!
* الاستاذ معوكس صراحة اني خايف ان تصير مشكلة بينك وبين «صياد» ثم يصير كل واحد منكم يكشف اسرار الثاني وتطلع الفضائح؟
غالب العبدلي- الطائف
- يابعدها لو أعزف على السمسمية!
*وش مشكلة مساعد ندا يامعوكس ما غير ينذره الحكام، ياخي قل له ترانا جايبنك تلعب ماتاخذ انذارات؟
محمد الفهيقي – الرياض
-اللي ماياخذ انذارات اللي ذبحوا الحكام بعد كل مباراة والنهاية طبيعي وعطوهم خطابات شكر!
* لو كنت رئيس نادي يامعوكس وتمون على القنوات الفضائية من الصحفي القريب الى نفسك عشان تقول للمذيع طلعه ضيف عندك على الهواء؟
فهد المثقال- رفحاء
-ابورياح وعيد بن شاكر ماخلوا لأحد فرصة!!
* صدق من قال يامعوكس قرب بعض اعضاء الشرف شرارة على بعض الاندية والله يستر من تاليه؟
منير الوقداني- الشملي
-شراره وشريالله يكفي شره!!
* وش لون يامعوكس عاقبت لجنة الانضباط رادوي وتركت سعود حمود وسعد الحارثي واحمد عباس وعبدالغني، ليش رادوي ما عنده واسطه والا واحد يشجع فريقه ويدافع عنه؟
سعود ميرزا - الاحساء
-ولاعنده مداخله!!
*الغالي معوكس تحيه وبعد:
ودي أفهم كيف بعض اللي يحلحلون في القنوات يسمونهم المحلل الحصري فلان والمحلل الحصري علان؟
صديقك-عبدالملك المرشد-عرقه الغربيه
-أمحق محلل مفروض المشجع الحصري المتعصب اللي ناقصه علم وطبله!!
*الحبيب أبو العواكيس تحيه وبعد وش توقع تأهلني بطاقتي العضوية الذهبية رغم أن الفريق ماحوله لا نهائيات ولاصداره ولا دوري؟
محبكم -حمد الدوسري-أبومبارك -العزيزية
-والله مادام عندكم بيانات وشكاوي وأحتفالات ممكن تدخل صالات الاحتفالات مجانا وتجيب معك أبوعبيد ويمكن يحتاجونكم شهود شرف!