عواكيس

* الاخ معوكس في مؤتمر ريكارد الماضي افتتحه المسحل بقصيدة، فماذا تتوقع ان يحدث في المؤتمر المقبل؟
حمد الفهيقي- تبوك
- الافتتاح بشعر القلطة ويقول ريكارد كلوها!
* الاستاذ معوكس كيف ترى نجاحات الاداري المميز محمد السويلم مع النصر؟
فهد الرشيد - الرياض
-مثل رقم الجوال المميز!
الاخ المحترم معوكس كيف شفت هدف محمد ابو سبعان في باختاكور اعتقد انه رد عليك وعلى "صياد"؟
احمد يوسف - جدة
-اهم شي فاز "العميد" أن بغى يسجله مبروك!
* صاحب الشعبية الجارفة ليش ماتصير مذيع وتضبط امورك وترى فيه من يقدرك ويقدر الترزز؟
عبدالله العامر- الدمام
-اترزز والقي محاضرات من زين الحياد!
* ما الذي فعله يامعوكس برانكو بالاتفاق وبعدين وشلون يحطون سمير هلال مدرب لمدة 24 وبعيدن يجيبون السويح ثم يودعون الكأس قدام الفتح؟
خالد الدوسري- الهفوف
-هذه تبي لها اغنية ابوبكر سالم يادوب مرت عليه 24ساعة!
* ماهي قرأتك لنجاح مفاوضات الهلال لمدافع الرائد يحيى المسلم؟
سعد الهذال - عرعر
- نجحت مع مرتبة الكليجا!
* الانيق معوكس مبروك تأهل الفرق السعودية للدور الثاني لبطولة آسيا، وتراها ما تستغني عن دعمك؟
محمد النفيعي- المدينة المنورة
-عندي مكبر صوت قديم حلال عليهم عقب القرار التاريخي لاتحاد الكرة!
* الاخ معوكس بحكم انك ناقد ارجوك انصح سالم الدوسري ما عاد يعك بالكرة ويضيع جهد فريقه بالمراوغات وسط لاعبي الخصم والنتيجة انقطاع الكرة وبداية هجمة مرتدة؟
نواف العمير- الرياض
-ولايهون الفريدي والعربي اللي كنه يلعب بلحاله!
* الجهبذ معوكس ماذا يدل تفضيل بعض الفرق للحكم السعودي على انه ناجح؟
بندر الخالدي - نجران
-مايمدح السوق الا من ربح فيه!
* تحية محبة وتقدير يامعوكس على جهودك المميزة واجاباتك الصائبة وارجوك جاوبني بصراحة، هل اعتزال بعض المعلقين مفتعل ام ان هناك اسباباً غير التي ظهرت عبر الاعلام؟
صالح السلمان - الجوف
-على طاري الاعتزال ضحكني اللي نشروا فضفضة معلق مطرود وهي في الحقيقه تنطبق عليهم ولايقه من كثر الطراره والاسترزاق!
* من تتوقع يامعوكس الذي يتمنى ادارة مباراة الفتح والنصر او النصر والفتح بعدما تم اعتماد ادارتها بحكم سعودي؟
هادي الروقي - الدوادمي
-مابدهاش الله يعين الفتح على ابوفنيطل ولا ابوهويش!
*صاحب المليون رسالة ابو العواكيس ودي أعرف ليه لجنة الانضباط لاحس ولاخبر لضرب محمد السهلاوي لحسين شيعان بدون كورة؟
عبدالملك المرشد - عرقه
- السستم مايقبل الا الازرق والابيض!
* الصديق الوفي معوكس قبل يومين مريت من عند نادي الشباب واشوف الفريق الاول يتدرب خبري بهم طلعوا من دوري الابطال؟
صديقك - بندر العصاي
-يمكن قالوا المبارة تبي تعاد في الرياضية وفهموا غلط!
قاهرهم وحابس دمهم ابو العواكيس وش رأيك بالفنان خالد الزيلعي يوم قام يستعرض بمهاراته وش توقع لحظتها؟
حمد الدوسري -ابومبارك-العزيزية
- لحظتها وقفوا مباراة برشلونة والريال وراح فيها ميسي!
* الصديق معوكس تكفى وش الحل مع العربي يضيع اسهل الفرص ودي يشوفون له حل اناني ومايدل الباب؟
نواف الصيخان-حي الفلاح
-مالهم الايفرمتونه!