عواكيس

* انطباعك يامعوكس عن نتائج المنتخبات والالعاب السعودية في الدوحة عساك مبسوط؟
فهد الخمشي- عرعر
-اقول سلم لي على ابطال القوى اللي رفعوا الرأس اما الباقي فصب قهوه وزنجبيل!
* كيف رأيت يامعوكس مطرف في لقاء الفتح والنصر والفنيطل في مباراة الشباب والقادسية في الكأس قل رأيك بصراحة ولاتستحي؟
حمد السنجاري- رفحاء
-ادوا الواجب وماقصروا!
* السيد معوكس يقول الذي غير العارف في الامور أنه وصله عشرين رسالة يسألونه عن صحة الهدف مارأيك؟.
ابومصعب الزلفي.
- وصله بصفته مين بلاتر ولانائبه!
بلاتر
* عزيزي المحترم معوكس هل صحيح إن لاعب الهلال العربي جايه عرض مغري جدا ؟ إذاكان كذالك وش تنتظر إدارة إبن مساعد وهو لم يوفق إن جازا التعبير ؟
صديقك معاذالحميد-مرات
-جاز التعبير ولا الرياضيات قلتها واعيدها كنه اقدار مطور!
* إلى فخر الصحافة العربية الأجمل والأحلى والأمثل عواكيسو ماتلاحظ أن أبو عمر زادت شهرته وشعبيته بعد الأحداث الأخيرة .
أحمد مرزوق-المونسيه
- وقدام الفتح زادت دموعه اربع..اربع !
* وين مدربنا خالد القروني ماعاد نشوفه اجل راح فيها يا معوكس؟
حمدالبكري الافلاج
- وين يروح ماله الا ظهرة لبن!
* الاخ العزيز ابو العواكيس تحية طيبة وبعد احدهم قال في مساء الرياضية بأن كرة القدم كانت قديما" طقها ولحقها! متجاهلا بذلك تحقيق المنتخب كأس آسيا ثلاث مرات وتأهل لكأس العالم اربع مرات؟
ابو محمد- روضة سدير
-شكله هو اللي طقها والحقها في التحليل!
* السيد معوكس صباح العسل والقشطة ممكن تحدد للقراء ابرز الفرق التي ستهبط للدرجة الأولي؟
عبد الله العبيوي ابو نايف عاشق حي المصيف(الكويت)
-وين شايفني حلاق أحدد!
* معوكس أنت مطالب بعدة قضايا من الحياة الفطرية وبعض المنظمات الدولية بالرفق بالحيوان شفيك تولجت الضب بكل تعليقاتك وردودك ؟
بدر اليعقوب القيصومة
-من زود المحبة واتوقع انه يجهز لافته جديده لبرناوي!
* القنوات ماخلت يامعوكي أحد الا ونادته يدلي بدلوه ماباقي الا، انا ونت اذا تبي قلي ندور احد ماصارت؟
(ابوصالح)
-مايحتاج تنادي تلقاهم نايمين في الاستديو!
* ليش ما نشوفك مدرب لاحد الاندية في ظل الاقالات للمدربين يمكن تضرب معك وتصير المدرب الاول؟
يوسف احمد - جدة
-خاصه أني طموح!
* هل تظن يامعوكس رحيل دول عن الهلال ام ان ما نسمعه مجرد جعجعة؟
صالح السويلمي- الرياض
-جعجعه في التويتر!
الحبيب ابوالعواكيس تحية وبعد
وش يذكرك صفة احتياطي النصر والفتح وقت تنفيذ الركلات الترجيحية
عبدالملك المرشد-عرقه
-نهائي كاس اسبانيا بين برشلونه وريال مدريد!
الصديق الوفي معوكس ابي تعليقك على اللي يقول ان الكوري يوسو مبدع في الصندوق
حمد الدوسري-ابومبارك-العزيزيه
-ماشفنا ابداع لافي الصندوق ولا في الغماره!!