استاذ معوكس حسب خبرتك في الملاعب رأيك في مستوى الفيصلي هذا الموسم وهل تتوقع الموسم المقبل يظل الحصان الأسود؟ فيصل عايش – المجمعة - والله ماندري بعض الفرق موسم حصان واللي بعده في دوري الجموس!! *الأخ العزيز معوكس العام الهلال أخذ الدوري والعام هذا أخذ الدوري ويقولون الدوري ضعيف طيب ليش مايأخذونه مادام الدوري ضعيف؟ أخوك راشد جبر عطية العنزي- عرعر - اللي ما يطول العنب حامض عنه يقول يازينها على السمسمية!! *عزيزي المحترم معوكس: هل الخبرة كافية في اتخاذ عقوبة رياضية بدون دليل ثابت ؟ صديقك:معاذالحميد- مرات - يستعينون بدليل الهاتف!! *عزيزي معوكس بأرشحك لرئاسة النادي العاصمي ولا تنسى أخوك من الشرهات ولا تصرفني بصديق؟ صديقك سلطان النفيعي - أقول الشرهة علي اللي رديت عليك!! *الأستاذ معوكس هل تتوقع أن هذا العام الأخير لعبدالغني والدوخي في الملاعب؟ سلطان الحبيب- الرياض - أما حسينوه الكباتنة يودعون الموسم ببطولات وهو بطقاق وطرد!! *البروفسور معوكس ليش أي قضية يكون التعاون طرفا فيها وش السر؟ سعود الدوسري- الافلاج - السر في الكليجا والسكري!! * أستاذ النقد والبلاغة أبو العواكيس؟ توقعاتك لمستقبل بدر المطوع مع النصر خصوصا عقب حصوله على لقب هداف العالم من اتحاد الإحصاء العالمي؟ فهيد الساير – تبوك - هذا يعتمد إن كان الاتحاد صدقي!! * ماعاد نشوف هالايام يامعوكس ناس توقع مقالاتها بخبراء وأكاديميين وش السالفة؟ حمد الجويغم – حفر الباطن - السالفة الطاسة ضايعة والخبير يبي فوطة!! * الم يعرض عليك يامعوكس منصب مدير المنتخب.. يمكن تضرب معك وتجيب بطولة؟ خالد الرويلي- القريات - الله يستر ما أنضرب!! *ما تلاحظ أن رئيس إدارة المنتخبات كثر من الظهور عبر الإعلام؟ حنا نبي عمل ونتائج ملينا وعود وتصريحات؟ فالح الروقي- الدوادمي - والنتايج تبيها في يوم وليلة يافتى (داورد)!! *لو طلب منك فرز النقاد يامعوكس واختيار منتخب لخوض النهائي على كأس العالم لصاحب أفضل قلم من ستختار؟ غالب الشمري- حائل - ما فيهم فاتح العين ولا الشارقة *هل تتوقع ان تتأثر الكرة لدينا بعدما أعلن حاتم خيمي هجره للرياضة؟ حامد اللهيبي- مكةالمكرمة - الخوف يتدخل الفيفا ويلغي دوري زين!! * العزيز دائما معوكس من برأيك هل تظن أن الأرضية الرياضية مناسبة الآن للزرع من ثم للحصاد أم أن الأجواء ستؤثر على من يريد أن يزرع؟ عامر الحميدي- الدمام - الأجواء مغبرة!! * ما مدى صحة حضورك لمباراة الاتحاد والهلال يوم الثلاثاء الماضي وانك كنت متلثم وتبيع تذاكر؟ عبدالعزيز حنتور- جدة - لا عادها الله من تذاكر فوضى ومطامر وفك الله راعي السمسمية ماكسروها على راسه!! * متى بكيت فرحا وحزنا يامعوكس وماهي خبرتك مع الأسهم؟ مشاري المطيري- المجمعة - مع الأسهم غرقان أنا في الهوى!! *الحبيب أبو العواكيس تحية وبعد: لماذا وقع النصر مع قوميز الرائد؟ بندر العصاي-عنيزه - طموحهم كبير الكوتش توه محقق الدوري والكأس!! *قاهرهم وحابس دمهم معوكس تحية وبعد: وش رأيك في أبوحكمت اللي أزعجنا بخرابيطه في الجولة بالله هذا ناقد ولا مشجع حصري عبدالملك المرشد-عرقه الغربيه - اقول ياحليله ماكل في نفسه مقلب ووينك ياللي في الظلام تغمز!! *الحبيب معوكس تحية وبعد: وش رايك في اللي تشمتوا في الليل وفي النهار كلوها رباعية صديقك-حمد الدوسري-ابومبارك-العزيزيه - مادروا عن الخسارة لو انها ثمانية فرحتهم خروج المنافس عندهم أهم لو يغيب فريقهم عن البطولات 100 سنة!!
