*عزيزي المحترم ابو العواكيس مازلوا يشككون في بطولات الهلال والحسابة تحسب والدواليب مليانة والله كريم. معاذ الحميد - مرات -الدواليب مليانه والتويتر مليان من الغبن وأضغط! *عزيزي معوكس ماهو سبب الاحتفالية المبالغ فيها بسعد الحارثي وهو لم يلعب المباراة؟ اخوك المشجع النصراوي الوفي لافي صالح العنزي - غيره احتفلوا ببطولة قريقعان الين الصبح!! * الهامور معوكس مراحب هل ستنتقل عدوى النصر الى الاتحاد ويبتعد عن البطولات ويغرد «الموج الأزرق» وحيدا؟ ولماذا لايتم تكريم قدامى عملاؤك بندر العصاي وعبدالملك المرشد وانا؟ عبدالله صفوق العبيوي الكويت - ياحليلك انتقلت ولا حتى تلتفت! * ماذا لو كنت محامياً يامعوكس وماهو اول شيء ستتخذه اكيد القضايا ستتناثر على مكتبك؟ حمود الفهيقي - عرعر -يكفيني رسائلكم تتناثر واتنثر معها على السمسمية! * ياليت لو حظك يامعوكس مثل حظ مدرب الهلال هاسيك اللي في مهمة صعد للمنصة؟ سعود الهاجري - نجران -اللي أعرفه ان المدرب يعد الفريق للبطولة لكن الفريق يطلعه للمنصة هذي ماصارت قبل! * العزيز معوكس وش قصة غياب بدر الخراشي قدام الاهلي وهو هداف الفريق ويقول انه جاهز؟ سعد الرشيد - الرياض -تكتيك توأمة! * ماذا لو كنت ريكارد يامعوكس وماهو اول قرار ستتخذه وهل تسمح للتدخل بعملك؟ خالد الحماد- تبوك -لوكنت ريكارد كان عندي مخطط بنبان ودرة معوكس! * الاستاذ معوكس هل صحيح ان عمرك شارف على ال53 عاما؟ فهد الشريهي - الدمام -لا 35 نقص منها بطولات المناطق وقريقعان! * الغالي ابو العواكيس وش رأيك تجي محلل جنب حمد الدبيخي عشان معادلة الكفة ويمكن يخجل منك ويقلل من التعصب؟ يوسف الفهيد- الجوف -مادريت عنه شتالي العدامة! * يقولون يامعوكس انك مكسر رؤوسهم في الاجابات السنعة، يعني البعض يخاف منك؟ محمد البيشي - بيشة محمد نور - اقول سلم لي على مكسر روس المهايطية! * الاخ معوكس وش رأيك في حلف محمد نور صحيح والا محاولة توريط وتورطوا؟ عبدالرحمن العوفي- المدينةالمنورة -المهم ضبطوها هو وابوعبدالله وكلن صلح دبابه! *الحبيب الغالي ابوالعواكيس عندي الولد الله يصلحه موهوب وانا محتار اسجله في نادي ولا أخليه يهتم بدراسته ومستقبله تكفى رأيك يالخبير صديقك- حمد الدوسري- ابومبارك-العزيزية - موهوب لايصير الشلهوب ولا خويك ابوعبيد اللي احترف في اسبانيا! *أغلى صديق معوكس كل الحب والاحترام لك وش الحوار اللي برأيك أساء للاعلام الرياضي؟ عبدالملك المرشد - عرقة -ماغيره حوار المهابيل عن الحشرات والسمسمية! * قاهرهم وحابس دمهم معوكس تحيه وبعد: وش رايك في سحبة سالم الدوسري لمدافعي الاتحاد وش كنها؟ بندر العصاي - عنيزة -كنها بلاي ستيشن راح فيها السعيد وكريري! *صاحب المليون رسالة ابوالعواكيس انا ودي أعرف المتحدث الرسمي شغلته يقول الحقيقة ويبحث عن حلول ولا يضلل جماهير فريقه؟ خالد النمير - حي المصيف - يضلل وآخرتها يمسكونه طريق الكورنيش! *الوسيم كما يبدو لي معوكس سلامات ماشفنا برناوي قدام الانصار عسى المانع خير؟ نواف الصيخان - حي الفلاح - يخوض تجربة مع ليفربول! * الصديق الوفي معوكس ليه الاهلي لعب معتز الموسى وياسر فهمي قدام اولمبي التعاون؟ عاشق السكري-بريدة - يبون بطولة باللي هي به لو يلعب فيكتور! * الغالي معوكس تتوقع لجنة الانضباط توقف كوري النصر كيم مثل ماسوت مع كوري الهلال يو؟ مساعد العتيبي-الرياض -كوري عن كوري يفرق !
