* طلبناك يا معوكس قل تم.. نبيك تظهر في برنامج رياضي لمدة ساعة.. وتطلع في الربع الساعة الأول بصفة خبير والربع الثاني محلل والربع الثالث متحدث رسمي والربع الأخير عضو شرف.. سواها غيرك وضحك على الناس ما أنت عاجز لا تسويها؟ أحمد الدوسري صالح المغير عبدالله المري - الدمام -الشرهه والله على بعض القنوات اللي تعطيهم وجه!! * أخ معوكس ما تشوف بدل التدبيل لو الجماعة أوقفوا نواف العابد وشلته كان انضبطوا الباقين. فهد التميمي القصيم صبيح - اقول دبلها.. دبلها!! * يابو العواكيس ملينا من المنتخب عندي اقتراح حلو، ليش ما نستورد لاعبين اثنين من البرازيل، واثنين من أفريقيا، واثنين من أوروبا، واثنين من آسيا، واثنين محليين، وواحد من الصين، المهم رفع علمنا بالمحافل الدولية.. بدر اليعقوب القيصومة - علمنا يرتفع بعيالنا وبس يا ابو يعقوب!! * السيد معوكس صباح العسل والقيمر وش أخبار القاطرة البشرية الدولي المعتزل يوسف جازع وليه ما نشوفه محلل أفضل من غيره اللي بعضهم (بطو جبدنا)؟ عبدالله المطيري ابونايف عاشق حي المصيف (الكويت) - ما له محل من كثر النقاد الاوروبيين على غفلة في الجدول الأسبوعي!! * الغالي معوكس ما هو تفسيرك لهزيمة الاتحاد من الفتح.. اعتقد ان المشكلة في محمد نور بمعنى انه لم يلعب زين؟ خالد البدراني - بريدة - شكله لعب بودباند!! * العزيز ابو العواكيس كيف تكتب لجنة الانضباط أن إنذارها لإدارة الشباب غير قابل للاستئناف.. صراحة من عقب اللائحة اللي كنسلوها غسلت يدي يامعوكس.؟ سعد الظفيري - حفر الباطن - ما فيها حيله لو تغسلها بتايد مع مبيض!! * صراحة يا معوكس بعض البرامج تحول إلى علاقات عامة يعني أخدمك بالداخل واخدمني بالخارج.. وين المهنية والحس الإعلامي؟ بدر الخالدي - الخبر - أي مهنية والأهداف في مرمى المنافس عرضت ظهرا لرفع المعنويات قبل الديربي!! * ممكن تكشف لنا السر يا معوكس في الخلاف بين توماس دول وإيمانا.. واحمد ربك ان ما انت مدرب وإلا كان دبغك الكاميروني؟ ريان السبيعي - الرياض - دق على بيجر ويلي ويعلمك يابو الأسرار!! * صراحة ضحكت يا معوكس يوم سمعت نعت بعضهم للمنتخب ليش يعني عشان لاعبي فريقهم ما اختارهم ريكارد؟ وبعدين وش رأيك باللي يبرر غلطته أن عبارة (الزبالة) سمعها من الرئيس الأمريكي اوباما؟ حمود المرشدي - حائل - يبرر ويبربر ما احد درى عنه!! * إلا تتفق معي يا أستاذ العواكيس ان الألوان الكحلية غابت هذه الأيام وما عاد سمعنا أحد يرددها وين أصحابها؟ - راحوا لبلاتر في استراحته!! * وش رأيك يا معوكس يوم تحول برنامج إرسال قبل لقاء الهلال والنصر إلى نافذة دعم للعالمي من خلال تقديم بعض الأغاني ومحاولة تحفيز اللاعبين.. عسى الأمور ضبطت البارح؟ نجيب العنزي - تبوك - الأمور الميدان ياحميدان!! * الظاهر يا معوكس ما عاد فيه حكام أجانب في المستقبل بدليل إحجام بعض الأندية يا صاحبي؟ صديقك -بندر العصاي - عنيزه - ولا في ال بي سي!! * الحبيب ابو العواكيس تحيه وبعد: من المتضرر من عالمية مضر؟ صديقك - عبدالملك المرشد - عرقه - الضب الأصفر!! عزيزي معوكس بعد المحبه والتقدير * وش رأيك في سامي يوم قال أنا مانيب مدير حضور وانصراف حمد الدوسري - ابومبارك - العزيزية - ناوي له على نيه مورينهو!! * الغالي المحبوب عكوسي تحيه وبعد: متى تضبط أمور عميد الاندية الاتحاد ويعود للانتصارات سلطان الصالح - القصيم - إلا قرب موعد المباراة المؤجلة!! * الحبيب ابو العواكيس، تحية وبعد: هل صحيح أن فيه شرفي بنادي منافس يبي يدفع للفريدي اربعين مليون الشبابي - عبودي - الرياض - يارجال خذ وخل مالقوا أربعة آلاف يجيبون حكم أجنبي تبي شرفي يدفع هالمبلغ وقال وش دراك إنها كذبة قال من كبرها!!
