معكوس

{ صباخ الفل والياسمين يابو العواكيس انت خبير كروي وناقد ومرجع رئيسي للفيفا ومرشح لجائزة الغراب الذهبي الدولي وين مؤلفاتك وبحوثك الرياضية وحضورك التلفزيوني الفضائي؟
محبك بدر اليعقوب - القيصومة
- الفيفا يا كثر مراجعه والخبراء والقانونيين!
{ صديقي معوكس كل اندية السعودية والخليج مستفيدة من اللاعب الاجنبي الا الهلال اجانبه صفر على الشمال لا صناعة ولا تهديف ول يوجد امل فيهم؟
صديقك الدائم
معاذ الحميد - مرات
- صفر محلي والا دولي!
{ هلا معوكس ياخي تشبعت من شوفتك كل جمعة وما ودك تستقيل انت وجماعتك ربنا الله يفتحها في وجهنا؟
مشجع منتخب السعودية - ابو تركي
- خلاص لا تشوفني حول على صياد!
{ عزيزي معوكس لماذا لا يوجد دعم مالي لنادي العاصمة وهو فريق الرياض من رجال المدينة واقصد رجال الاعمال حتى يعود لسابق عهده خاصة بعد خماسية حطين؟
عاشق المدرسة - سعود الشريف
- ادعموه الين ملوا وآخرتها عشر سنين في الاولى!
{ عزيز معوكس ماذا يقصد حسين عبدالغني بعد تسجيله للهدف الثاني في الهلال!
سفير الحلة - الخبراء
- يقصد يا دجاج على الغابة ينوحي!
{ عزيزي معوكس ما تلاحظ ان دفاع النصر في مباراة الهلال الاخيرة تايه وغير منظم وكذلك المحاور؟
اخوك المشجع النصراوي الوفي
لافي صالح العنزي
- تايه وفي سكة التايهين!
{ عزيز معوكس بعد التحية والتقدير
وش قصة عزيز على طول غياب.. اقول سلم لي على الاحتراف!
عبدالملك المرشد - جامعة الملك سعود
- احتراف المراسلة بالجوال!
{ الحبيب الغالي ابو العواكيس
بعد المحبة
ماذا تتوقع لحسين عبدالغني بعد الاعتزال
عاشق العالمي - عبدالاله المنصور
- رئاسة لجنة الحكام!
{ قاهرهم وحابس دمهم معوكس
تحية تقدير ومحبة
ياخي ليش انت دايم ضد حارس القرن محمد الدعيع وطايح فيه تنكيت؟
مخاوي ابو عبدالعزيز - حائل
- وهو طايح في الشمال والكورة في اليمين!
{ عزيزي معوكس
ماهي اخبار ثنائي خط البلدة "عميد الكذابين" وصديقة عازف السمسمية؟
صديقك عبدالرحمن الضويان - الرياض
- مازال الوضع مضغوط وفراخ على الفحم!
{ عزيزي معوكس
السلام وبعد
بالله عليك اللي نشوفه في بعض البرامج وخاصة خط الفتنة نقد، اقول الله يرحم النقد ونقاد اول ؟
النصراوي علي غالي - العريجاء
عبدالعزيز الدوسري
- شكل الرباعي نقدهم نجيب على روسهم وقلب السستم تايواني!
{ الحبيب معوكس
ياخي وش ذا اللاعبين اللي في العالمي يرفعون الضغط والنهاية خسارة من صغار الهلال، الى متى وجماهير العالمي مغلوبة على امرها؟
محب العالمي
ابو سعود الخرج
- هذي مشكلة اللي طموحه الفوز على المنافس!
{ عزيزي معوكس
تحية وسلام ومحبة
وش اخبار "العميد" عقب ادارة الدكتور المرزوقي ؟
الاتحادي
سعيدالزهراني - جدة
- ما يحتاج دربه خضر هدوء وانضباط وفاله الآسيوية!
{ صديقي عكوسي
بعد مغادرة الاداري المطرود وش تتوقع اشتغل في المطبوعة الوافدة؟
تلميذك
اسماعيل بكري - جدة
- الشغل فول وقلابة ومعصوب!
{ عزيزي معوكس
ياخي بعذر الشعلة ما يفوز لا مكافآت ولا حوافز وش رأيك بالحل؟
محمد العبدالله - الخرج
- أي مكافآت يودونهم المشتل ويصورون مع البرج ويكفيهم!
{ الغالي ابو العواكيس
ما صارت صديق من تسحيب في تسحيب اول الفريدي وبعدين الدوسري كمل الناقص؟
عبدالله السنيدي - الرياض
- اللي كمل الناقص جلال بوظو!
{ استاذ معوكس
وش تتوقع من لجنة الحكام تجاه جلال بعد خطأه الفادح بطرد دوسري الهلال؟
اخوك ابو سعد - الشفاء
- يعطونه خطاب شكر ودرع اللجنة وسطه صوره عبدالغني!
{ صاحب المليون رسالة ابو العواكيس
بصراحة بعد مشاهدتي لكبار الفريق المنافس امام شباب فريقي وخسارتهم قررت ان لا أفكر مجرد التفكير بالتحول لتشجيع ذلك الفريق؟
صديقك الدائم
حمد الدوسري - العزيزية
- ما أسرع يومين وغيرت رأيك يالحقوي!