عواكيس

* السيد معوكس وينك عن التغريدات في تويتر.. ما ناقصنا الا أنت؟
حمود الدهمشي - عرعر
- ما ناقصكم الا انا ويكفيكم ذا «المهابيل» اللي يغردون تغريدة غربان!
* الخبير والمحلل معوكس هل تظن ان هاشيك سينجح مع الهلال.. ملامحه تقول انه يفكر كثير .. ترى بماذا؟
خلف الجعفري- تبوك
- يفكر كثير يبي الفكة!
* نريد تعليقك ياخ معوكس على تصريحات الدكتور حافظ المدلج الاخيرة .. وهل تخبرنا بإسرار ما حدث وأنت الخبير بالوضع الرياضي خصوصا وانني كأني لمحتك جنب صديقك احد رؤوساء الاندية لابس الافرنجي وهو يوقع العقد مع احد اللاعبين الأجانب؟
نادر الحكمي- جازان
- الله من متملق ومسترزق أرتفع ضغطهم وراحوا فيها وأولهم ابو افرنجي!
* لو كنت مدير قناة يامعوكس ماهو اول قرار تتخذه حتى تريح رأسك وتعمل بمهنية عالية؟
رائد الدوسري - الافلاج
- وين مهنية والمشجعين هذا معد والثاني مخرج ورئيس الرابطة مقدم!
* العزيز معوكس وشلون هالحين يصفون بعض لاعبي الاندية بالورقيين واذا انتقلوا لناديهم على طول أعطوهم الكابتنية؟
محمد الذوادي - الدمام
- الله وأكبر ياذا الكابتنية قالك الشلهوب من منصة لمنصة!
* خفيف الدم معوكس سمعنا انك استقلت من كتابة الزاوية يوم خسر فريقك وانك ناوي ترجع بس وش لون رايح تسوي؟
خالد الخضري - مكة المكرمة
- أسوي مطبق ومعصوب!
* تحياتي لك يامعوكس على اليقظة وحسن التعامل مع القراء ليش البعض تكهربوا من بعض الاتهامات ظنك لهم علاقة بها؟
يوسف الغانمي - المدينة المنورة
- أكيد ولا كان ما شفتهم ينتفضون !
* الأخ معوكس ما هي أكبر مشكلة واجهتك في الحياة وماذا تتوقع ل (الأخضر) في تصفيات مونديال 2018 ياخوفي نخرج قبل تبدأ؟
هادي الروقي - الدوادمي
- نخرج اذا الانتخابات 99.9 بالمائة!
* تحياتي الى أطخم الصحافة ابو العواكيس .. شفت كيف اللي كانوا يهاجمون اتحاد الكرة الان على رؤوسهم الطير وودهم يمدحونه وش اللي تغير؟
سعود البقمي- الطائف
- ما يمدح السوق الا من ربح فيه!
* متى شعرت يا معوكس ان الرياضة لم تعد مكانا للطيبين امثالك؟
عبدالكريم الشمري - حائل
- يوم حلوا اتحاد الكرة!
* هل صحيح يا معوكس ان محمد الدعيع اتصل على اللاعب المصري احمد حسن هنأه فيه بحصوله على عمادة لاعبي العالم.. هكذا الاخلاق والا بلاش؟
احمد محمد – الرياض
- لا ويقولون بعد حب راسه!
* الحبيب ابو العواكيس
تحيه وبعد صحيح أن عندك فريق ولمحت في عيون اللاعبين الرغبه في الفوز بالكأس يعني ممكن يجيبونه؟
نواف الصيخان - حي الفلاح
- ولابيالة السيف!
* قاهرهم وحابس دمهم معوكس صديقي الغالي ياخي وش ذا الحسد والحساسية أن رفعوا سعد زعلوا وان قام سعد وحب رأس سامي زعلوا هذولا وش حلهم؟
بندر العصاي- عنيزة
- يمدحون شهار في الطايف!
* صاحب المليون رسالة ابوالعواكيس ما تلاحظ ان الهلال وش زينه بالشباب ويوم عود الهرماش والعربي وشارك الفريدي دحدر مستواه انا ودي اعرف معقولة قيمة عقد المغاربة تروع باليورو؟
صديقك - حمد الدوسري - العزيزية
- باليورو ولو توديهم لسوق الحمام ماجابوا قيمة ضبين 2012!
* الغالي معوكس أعتذر لغيابي عن التواصل معك وودي اسألك هل تشجع زواج المسيار
عبدالملك المرشد - عرقة
- لا أشجع منتخب عرقة!