عواكيس

* السيد معوكس.. النتيجة ثلاثة الوقت انتهى وبدل الضائع ثلاث دقائق والنقاط 23 والمعلق ذكر اسمه ثلاثي وهو زعلان؟
أبو مصعب – الزلفي
- واللي بيمسكون الباب ثلاثه!!
العزيز معوكس أين سنجد ديمتري في المرة الجاية، وهل سيعود للاتحاد للمرة الثالثة؟
احمد يوسف - جدة- حسب مزاج العضو الفاعل ابو نوران!!
* الأخ العزيز أبو العواكيس تحية طيبه وبعد.. كيف يتجرأ الكابتن فواد أنور ويقول انا أسطورة الكرة السعودية وليس الكابتن ماجد عبدالله؟
محبكم ابو محمد... روضة سدير
- وانت وش حارق رزك أن بغى اسطورة منتخب سدير!!
* الاخ معوكس اشرح لنا مشكلة محمد نور وهناك مباريات يرتاح لها واخرى ما يحب يلعب فيها
عبدالله سمير- مكة المكرمة
- على ذا العقليه قريبا بتشوفه عندكم في فريق حراء!!
* عزيزي المحترم معوكس: الا توافقني أن الشلهوب الموهوب المحبوب من جماهير السعودية يستحق 35 مليون التي طلبها أسامه هوساوي؟
صديقك معاذ الحميد - مرات
-الموهوب لو عطوه 350 حلال عليه!!
* الناقد اللاذع معوكس ممكن تشخص لنا علة التعليق وهل يحتاج الى خبرة ام موهبة ام عقلانية ام هذه الاشياء مجتمعة؟
بندر العصاي - عنيزة
- العله ان بعضهم مشجع مع مرتبة الشرف!!
* الطيب ابو العواكيس تحية طيبة وبعد: وش رأيك في هجوم ووسط نادي النصر وشكرا؟
اخوك عبدالله عبدالرحمن الهديب الدلم - حي الخالدية
- كنه منتخب متقاعدين!!
* اخي معوكس عندنا مساعد يخطط على شيلة المدير عشان يصير مكانه والمشكلة ان المدير مسلم مساعده كل شي يعني ظنك يروح فيها قريبا؟
فاضل المسعودي – الرياض
- عندكم مساعد ندا ولا المطوع!!
* عزيزي معوكس تصدق بانني لم أشاهد مباراة النصر والهلال لانني توقعت الهزيمة؟
اخوك المشجع النصراوي لافي صالح العنزي
- انت الربحان على الاقل ما يغثك المعلق!!
* السيد معوكس صباح العسل والقشطة ما رأيك معوكس بما يقوله الهلاليون ان المنافسة مع النصر انتهت بعد الثلاثية؟ وعلة النصر هل هي إدارية او فنية ام لاعبين؟
عبدالله العبيوي ابو نايف عاشق حي المصيف (الكويت)
- العلة في الالف متحدث رسمي!!
* ما أصعب قرار اتخذته يامعوكس.. ومتى تتنحى عن المهمة وتتركها لغيرك؟
سعد الغيثي- الدمام
- الدخول في الاسهم الله لا يعيدها!!
* معقولة يا معوكس عدنان فلاته يقول ان ركلة الجزاء الهلالية صحيحة؟ يعني ما يخاف من الجمهور والإعلام يحشه؟
سليمان العودة – الخرج
- الجمهور مشغول بالادارة!!
* وشلون يا معوكس محمد القاسمي يترشح لرئاسة الاتحاد الدولي للتاريخ والإحصاء وهناك من يقول انه أصلا ما يوجد اتحاد بهذا المسمى.. يعني بعض البرامج والكتاب والصحف ما عندهم سالفة؟
فهد البردي- بريدة
- عاد انت مصدق ان عندهم سالفة!!
* الحبيب الغالي معوكس
تحية وبعد:
بالله عليك لو هوساوي في فريق غير الهلال يقدر ياخذ راحته في المؤتمر الصحفي ويعلنها رحيل عيني عينك؟
صديقك - حمد الدوسري - العزيزية
- كان راح فيها والضب الاصفر كسر لوحاته على راسه!!
* صاحب المليون رساله ابو العواكيس
تحيه وبعد:
ودي اوجه لك دعوه تشارك في افتتاح ملعب عرقة الدولي
عبدالملك المرشد- عرقة
- ودي اعرف فريقكم في دوري زين وإلا الدوري الاسباني؟!
* الغالي عكوسي
تحيه وبعد:
ليه بعض الفرق زعلانة على اتفاقية سقف مقدمات عقود المحترفين؟
صديقك - نواف الصيخان - حي الفلاح
- بلا ما عندهم لا فاتح العين ولا الشارقة!!