عواكيس

*الأخ العزيز ابوالعواكيس تحية طيبة وبعد.. منتخب سدير تراه مثل منتخبنا الوطني عام 1994 يعني لا برشلونه ولا غيره تقدر تسميه تسونامي سدير.
محبكم أبو محمد من روضة سدير
- لا برشلونه ولا مرخ!!
*يا ابو العواكيس بما انك خبير كروي ومخضرم رياضي كبير.ودي أسألك هل الجن يلعبون رياضة وهل عندهم أندية واحتراف كروي.. أرجوك جاوبني بدون تصريف؟
بدر اليعقوب - القيصومة
- عندهم تشليح وقطع غيار !!
* صباح الورد سيد عكوووس ليش المنتخب ما لعب مباريات ودية؟
عبدالله صفوق _الرياض_حي المصيف
- بسيرو ينتظر مصيره والأمعاء الدقيقة!
معكوس
* متى يأخذ بعض الفرق الدورى
سؤال بسيط جدا لا يحتاج الى تفكير؟
متعب الشمرى
- اذا لعب الهلال والشباب والاتحاد في دوري خاص!!
* عزيزي معوكس وش رأيك تشاركني ودي افتح محل لبيع قطع الغيار الاصلية؟
اخوك المشجع النصراوي الوفي - لافي صالح العنزي
- واسمه العريجا مول لقطع الغيار!!
استاذ معوكس
* وش قصة المنشطات انكبت علينا بالهبل، انصحك ان تنضم الى لجنة الكشف وأرجوك سو اللي عليك بدون مجاملة؟
مزيد العنزي- الرياض
- الله من لاعب طقته ام الركب ينتظر النتائج!
الذرب والطيب معوكس
ليش الشاطر حسن خبصها مع الجابر شكل الرجال ضامن العروض؟
نواف الجحدلي – الطائف
- ضامنها بالكعب!
معكو س
ما رأيك بالبعض الذين يشككون بعدد بطولات الهلال لهذا الموسم ولماذا يقدمون أصلاً على هذا الشيء.؟
متعب صويان الشمرى
- الحسد والغيرة!
صراحة يا معوكس فرحنا يوم قال غالي انه أكل دواء انفلونزا الخنازير في انجولا 2010 بس طبيب المنتخب المصري خبص الدعوى بالنفي الله يهديه؟
رشيد المطرفي مكة المكرمة
- ما أحد قاله يعطس في وجه اللجنة!!
ماني مصدق يا معوكس ان عبدالله الناصر عمل (فرمته) لأجهزة الكمبيوتر يوم أقالوه من لجنة الحكام، معقولة (أبو ماجد) يسويها؟
رضا محمد الطوريفي- عرعر
حسام غالي
- معقولة وصلاح الدين عقال!!
أحس انك ساج هالايام يا معوكس أكيد خائف يكشفون عليك لجنة المنشطات اعترف أحسن لك، وخوفي ان العينة في معجون أسنانك؟
سطم مسهوج – رفحا
- الله يستر ما يلقونها في الكليجا!!
هالحين وش قصة قطع الغيار والتشليح والسكراب، يعني دورينا من الدوري رقم 16 على مستوى العالم الى دوري تشارك به اندية (قطع الغيار والسكراب والتشليح)؟
فاهم رويشد الخريصي - الاحساء
- ما بقى الا المرور يشارك!!
ماذا يزعجك يا معوكس هذه الأيام غير أم العيال اذا كان صياد مضايقك عطنا إشارة وابشر بسعدك؟
نادر السفري- الطائف
- أبشر بالاشارة ومعها سفتي!!
الله يالدنيا وشلون يا معوكس عابر القارات يوقع للجبلين وأزيدك من الشعر بيت اعترضوا على تسجيله رعاية الشباب يعني حتى الجبلين ما حصل؟
فهد الحائطي- حائل
- اللي اعترض بلاتر!
شفت يا معوكس عميد (....) يوم يعلق على قضية علي يزيد وقال ما دامك رحت لحسام الصالح انس انهم يعطونك فلوسك ويوم اتصلوا عليه وقالوا وش قصدك كالعادة (راغ) وقال أنا قصدي انه تجاوز الإدارة؟
خالد الدوسري- الخرج
- على باله ذكي قانوني الغفلة!!
نصيحة لك يا معوكس خل عنك (سين وجيم) والطش لك كم مقال من إحدى الجرائد وشخص به قدام الناس وحتى لو اكتشفوك ما رايح يصير لك شئ يمكن يلقبونك بالمستشار وإلا الناقد وتصف جنب الشلة في الأستوديو؟
محمد الناصر-بريدة
- اول مره اشوف مستشار حرامي عيني عينك!!
* العزيز معوكس .. بعد التحية
وش رايك في رئيس الوحدة السابق اللي يقول ما استفدنا من الاجتماع الشرفي الا أكل المطبق واللقيمات.
بندر العصاي - عنيزة
- أجل الاجتماع الجاي عليهم بالسمبوسة والمعصوب!!
* الغالي معوكس
ودي أعرف اذا صار الحزم قطع غيار وش يصير القادسية
صالح العايد - الرس
- الميزان (العالمي) للترصيص!!
* الغالي معوكس ... تحيه طيبة
بصراحة وش رأيك في اللي يدور بين الحزم والنصر
صديقك - عبدالملك المرشد - عرقه
- كنهم تشليح الحاير وصناعية أم الحمام!!
* صاحب المليون رسالة أبو العواكيس بعد التحية والتقدير
اين سيلعب النصر والحزم أقرب مواجهه لهما؟
عبدالرحمن الضويان
- العليا
- مالها الا أستاد صناعية الدائري الجنوبي!!
* عزيزي معوكس تحيه طيبه
أشوف السكراب وقطع الغيار قيامن سوقها هليومين ودي أسألك أبي تشليح للموتر وقطع غيار وين أحصلها.
صديقك - عبدالله العتيبي - السويدي
- مالك الا الجسر المعلق وطريق القصيم!!
* الحبيب أبو العواكيس
تحيه طيبة
أولاً أشكرك على خفة دمك وبودي اسألك ليه الهلال نادي يفرط بالكابتن حسن العتيبي.
عاشق الزعيم - ابو سعد - الشفاء
- بالعربي وأن بغيت النجمه الصندوق فاضي خلص عليه ويلي ونيفيز!!
* الغالي معوكس تحيه طيبة
والله أني أغليك وأنا مسافر برحله عمل لدبي اي خدمة من هناك.
صديقك حمد الدوسري -
ابو مبارك - العزيزيه
- تكفى يا رجل الأعمال شكل السفره لمشتل الخرج وخرتها معمول!!