عواكيس

* صاحب المليون رسالة معوكس..
ودي أسألك ليه الأندية الخليجية القوية في الآسيوية واللي أقل ورديفه في الخليجية وش تسمي هذا التصنيف؟
-صديقك - عبدالرحمن الضويان - العليا
تصنيف البيانات وفرق لم تربح!!
*قاهرهم وحاسب دمهم الجميل معوكس.. تحية وبعد..
وش برأيك أحلي أغنية هدية لكوزمين بعد فشله في تحدي الهلال؟
-عبدالملك المرشد - عرقة
ما غيرها ناقتي.. يا ناقتي!!
* عزيزي معوكس.. تحية وبعد..
وش رأيك في ظهور فهد الهريفي في صدى الملاعب باين عليه زعلان من فوز الهلال؟
بندر العصاي - عنيزة
- لا تلومه!!
*الغالي معوكس.. تحية وبعد:
أشوف بعض النصراويين ما غير يتغنون بالعالمية وفريقهم رايح فيها لا دوري ولا كأس..
-عاشق العالمي - عبدالله المنصور
- هذا اللي طبيعهم!!
*الأخ معوكس المحترم
كيف تم اختيار عمر المهنا رئيساً للجنة الحكام؟ أتحداك يا عكوسي تجاوب..
متعب صويان الشمري
- بقرعة نظام خروج الحكام!!
*الأخ معوكس المحترم..
متى يأخذ الهلال المركز الثالث منذ زمن بعيد وهو يحتل الأول أو الثاني في كل المسابقات مافي حل؟
-أبو صويان
- الثالث والرابع وأنت رايح محجوزة لغيره!!
* أبو العواكيس مستوى النصر تطور جداً والدليل انه كل سنة تبدأ عطلته مع طلاب الابتدائي.. عكس هالموسم عطلته بدت مع طلاب الثانوي..
-سلطان الغامدي
- والدغيثر بدت وانتهت في الثمامة!!
مبروك زايد
* مبروك عدد ما بين القيصومة والرياض وعداد ما ردد معوكس على جمهوره/ وعدد ما نقد صياد وسطر على البياض/ وعدد رسومات الهليل ومهوره/ وعدد مامشى الضب وغرد بالفياض.. مبرووووك لبني هلال مقدماً.
-بدر اليعقوب - القيصومة
- مبروك زايد!!
* أخ معوكس: وش رأيك بمعلق مباراة الأهلي والشباب إبراهيم الجابر اللي ما خلا شي في الشباب إلا وإنحته حتى كماتشو قال عنه أنه يشم ريحة الشباك حتى ضيع ضربة الترجيح وقال الجابر العين حق يعني نحوت عيني عينك!!!!!
-سفير الحلة - الخبراء
-نحوت يذكر الله إبرك له!!
* الأخ معوكس ليش عذرهم بعد الهزيمة أن الحكام تكلم مع رادوي لمدة خمس عشرة دقيقة..
-أخوك راشد جبر العنزي - عرعر
- وآخرتها اللاعبين انشغلوا بسواليفهم ونسوا المباراة!!
* معوكس ألا تعتقد أن الهلال بتحقيقه للدوري مبكراً وفوزه على الاتحاد بخماسية أنه رد اعتبار عن الموسم الماضي؟
-محمد الحجي - الرياض
- رد ورادوي!!
* يابو العواكيس ليش ما تتجه للتحكيم في كرة السلة أو التنس؟
عازف الليل
- شكلها ما توكل عيش ولا خبز تميس!!
* أخي معوكس بعد السلام ما ودك تغير الاستايل شوي وتلبس طيحني وسامحني بابا وأنا بوصي سعد الرويس يسرق منك النظارة ودرزن الأقلام الي في مخباك..
-عبدالإله القاسم
- أبشر أروح للبطحاء واختار الجنز!!
* كل ما دق الهوا الباب قلت ذلك لمعكوس جاني الهوا والباب كذاب ما يريد إلا امتحاني! متى نتشرف بزيارتك لنا في روضة سدير يابو العواكيس؟
-محبكم أبو محمد
- إذا حضر برشلونة لمقابلة منتخب سدير!!
*أبو العواكيس ألف حية ما هو الفرق بين جمهور الشمس وجمهور السمس وجمهور الهمس لا تقول لي قبل المباراة أثناء المباراة بعد المباراة؟
-أخوك لملوم الرياض
- واحد من زود الخساير صار يصفق لها!!
* ما هو موقف نادي الحزم حين رحيل صلاح الدين عقال؟
-بدر سطام الشمري - الرياض
- ما لقى مدرجات يصير له موقف!!
* صديقي معوكس المحترم.. هل هناك نية بتغيير اتجاهاتك إلى الشباب بعد فرض قوته وهيمنته أمام أنديتنا العريقة "العميد" "الزعيم" العالمي وهل فعلاً لا زال اللقب مناسباً حالياً! مجرد سؤال يا صديقي!
صديقك: معاذ الحميد - مرات
- النية مطية!!
* الأخ معوكس ليه فيه جريدة مخصصة الصفحة الأخيرة خاصة في أسفل الجريدة بس يهاجم الهلال وإدارته وجماهيره؟
-أخوك راشد جبر العنزي - عرعر
- شكل تدسيم الشواب توقف حتى إشعار آخر!!