معوكس

*السيد معوكس صباح الخير من هو صاحب أسرع هدف في تاريخ الدوري هل هو لاعب الأتفاق المعتزل جمال محمد أم وليد الجيزاني؟
-عبدالله العبيوي- أبونايف
المصيف
-وليد عبدالله!!
*عزيزي معوكس اذا كنت تبني فريق من البديهي بأنك تجلب اللاعبين الصغار بالسن وتدعمهم بواحد او اثنين خبرة وسوف تحصد اغلب البطولات؟
-المشجع النصراوي
الوفي لافي صالح العنزي
-المشكلة اللي دعمهم بعشرة!
*صباح الخير يابو العواكيس نبارك لكم فوز الحبيبة" غانا بكأس العالم للشباب وين مصطفى أدريس وصحن قايم؟!!لهم وحشة و مبطين ماشفناهم.
-بدر اليعقوب القيصومة
-راسلهم على الإيميل!
*بعد التحية أخوي معكوس سؤال واحد دوري"زين" على اسمه
- أخوك مثيب آل مثيب الرياض
الدار البيضاء
-على أسمه اوه يالاخضر يازين!
*هلا معكوس ماودك تكشف عن شخصيتك معاد أقدر أكل والله لو أنك مهند
-أم تركي مشجعة المنتخب
-تكفين يالميس!
*عزيزي معوكس بعد السلام والتحية
ودي أسأل وين فصلوا إيقاف وليد عبدالله ثلاث مباريات قدام الحزم والرائد والاتفاق.
وليد عبدالله
-صديقك عبدالرحمن الضويان -الرياض
-فصلوها عند الفاخرة!
*الغالي ابو العواكيس بعد التحية
أشوف أزعجونا بخط الستة والله وجوده مثل عدمه ولا يأثر على الكبار
-صديقك الدائم -عبدالله العتيبي -السويدي
-مايأثر ولا خط الستين!
*الحبيب الغالي ابوالعواكيس بعد التحية والتقدير
إذا وقفوا وليد عبدالله ثلاث مباريات وشلون يجيه عفو نصف المدة
-عاشق "الليث"-عبودي -الصحافة
-مايبي لها حساب يلعب الشوط الثاني بعد العفو ويصير الإيقاف مباراة ونصف!
*صاحب المليون رسالة أبو العواكيس بعد التحية
وش ظنك صديق له واسطة يوم أنه يلعب أساسي وصمام الأمان أبو صقور برا
-عاشق "العالمي"-عبدالاله المنصور
-شكله صمام الإنبراش على المفاصل!
*الحبيب أبو العواكيس بعد التحية
شكلي كثرت عليك بالرسائل تكفى أمسحها بوجهي
-صديقك حمد الدوسري -أبو مبارك
-شوية كثرت الا اشغلتنا ياساعي البريد وبعد أمسحها على بالك وجهك سبورة!
* الغالي أبو العواكيس سلام وأحلى تحية
ودي أعرف ليش قرارات لجان اتحاد الكرة كل يوم تتغير
-عبدالملك المرشد -الرياض
-لا الفريق غير وعلى الفيحاء راجعين!
*عزيزي الأشهر ابو العواكيس بعد التحية
متى نشاهد عزيز يعود أساسياً
-الهلالي الصميم -عبدالله السنيدي
-أساسي في التدريب الصباحي!
*عزيزي معوكس تحية وبعد..
وش ناقص اللجنة الفنية بعد مباريات الهلال
-ماجد الحربي -الرياض
-دورية تحدد سرعة القرارات !
*عزيزي ابو العواكيس تحية طيبة
معقولة خالد راضي مثله الأعلى محمد الخوجلي
-سطام العتيبي -الرياض
-بعذره قدام صور جاب العيد!
*الحبيب ابو العواكيس تحية وبعد..
ماهي أخبار حمود وربيع لاعبا الرياض المنتقلين للنصر
-النصراوي ابو بدور -العريجاء
-واحد ضمنها والثاني السنة الجاية!