عواكيس

الصديق الغالي ابو العواكيس
تحيه وبعد:
وش الفرق بين انتقال عزيز للنصر والحارثي للهلال
صديقك-نواف الصيخان-حي الفلاح
-واحد طلع المنصة اول مرة والثاني كان يطلع كل سنه وطلع الجسر المعلق!
صاحب المليون رسالة عكوسي
تحية من القلب:
ودي أسألك وش يذكرك نادي القادسية هاليومين وخاصة إدارته
بندر العصاي-عنيزة
-يذكرني باللي عنده محفظة في سوق الاسهم وسيلها يبي ينحاش!
خفيف الظل الاشهر والاملح معوكس
وش قصة اتحاد الكرة المؤقت ما غير قرارات حامي.. حامي وكلها على البطل الشباب
ودي تهدي لاتحاد الكرة اغنية بذا المناسبة
الشبابي –عبودي-الصحافة
-ماغيرها ناوي لك على نية!
الى فاكهة الاسبوع معوكس
تحيه طيبة وبعد:
-ودي تفهمني يا الذكي وش اسباب غياب اسامه هوساوي وين تجي معه مصاب وتوه
موقع مع الفريق البلجيكي معقولة يوقعون معه وهو مصاب الله يستر لاتصير الاداره
وراء غيابه
عبدالعزيز الصيخان - حي الفلاح
-الاداره تقول انتظروا الاقوال وابو علي كنه ساهر مفصول من الخدمه!
الاخ معوكس
صباح الخير
ماهي حكاية النصر مع السحر والشعوذة في النادي ولك جزيل الشكر
صديقك - صحن قايم العنزي
- ياصحن الجماعة فكوه بالنفي وفازواعلى بطل الدوري!
العزيز معوكس ماهي توقعاتك لاحتراف هوساوي في بليجكا؟
صالح التميمي- الرياض
-شهر وتلقاه يافي العريجا يافي الكورنيش!
اقترح يامعوكس بعد ذا العمر الطويل أن تكون وكيل أعمال لاعبين لأن نظرتك دائما احترافية وهي اللي رايح تخلي كل لاعبينا يحترفون برا؟
بدر الفهيقي- تبوك
-برا وجوا!
الوفي معوكس برأيك متى يستقيل رئيس التعاون ومن ترشح لرئاسة نادينا؟
عبدالله السالم – بريدة
-دام فيه تتويج بالبشوت عز الله شكله قعد.. قعد!
الأخ معوكس وش اللي صاير بين اتحاد الكرة المؤقت ورابطة المحترفين؟
سعود المطيري - حفر الباطن
- حرب باردة بالبشوت!
الأستاذ معوكس وش الفرق بين كوع الراهب في مباراة الشباب والأهلي وركبة عقيل بلغيث ضد نايف هزازي في مباراة الأهلي والاتحاد وكوع فرناندو في مباراة الشباب والنصر؟
حمد السعيد - الرياض
- واحد ماله في القوم ولد عم!
الخبير معوكس ماهو تفسيرك لاعتراف محمد البشري بعد 26 عاماً على مباراة الهلال والنصر وهل يقدر يسوي مثله بعض الحكام؟
خالد السناني - المدينة المنورة
- وش الفايده قبله رئيس اللجنة بكبره اعترف!
ابو العواكيس وش قصة اسامة هوساوي من بعد وقع العقد مع اندرلخت ماعاد لعب مع الهلال؟
نواف الرشيد- بريدة
-بدت أجازته السنوية!
العزيز معوكس وش تتوقع الموسم المقبل المعلقين سعوديين والا غير.. ما نقول الا الله يعيننا على عدنان حمد وربعه؟
فهد العمر- الدمام
- اما فرحة عدنان بهدف حسني مابقى الاينزل الملعب!
شيخ النقاد معوكس هل سبق وان ابتزك البعض على زاويتك وان تكون اجاباتك حسب مايريد؟
ضيدان العنزي- عرعر
-بدري عليه!
ما اكثر مايخيفك يامعوكس في الوسط الرياضي: انبراشات بعض اللاعبين والا مقالات بعض الكتاب؟
سعود اليوسف- الخبر
-دعسات ابوسبعان!
الاخ معوكس كيف ترى قيادة الحكم السعودي لمباريات كأس الملك؟
عباس الحربي- المدينة المنورة
-مثل اللي يختبر في دله!
ماهو اصعب قرار رايح تتخذه يامعوكس خلال الفترة المقبلة؟
سعود الخضوري- الجوف
- المسيار!
قاهرهم وحابس دمهم عكوسي
تحيه وبعد:
يا أخي وش ذا الاخراج في مباراة الهلال والاتحاد اللي في جده والله عيب الى ذا الحد وصل التعصب وين مراقبي القناة؟
عبدالملك المرشد-عرقة
- الظاهر البلا .. ولاخلها بيني وبينك وطاش ماطاش!
المغرد معوكس
صباح العسل والقيمر الكويتي
يا أخ معوكس(باط جبدي) بعض أعضاء اللجان يوم كان خارج اللجنة يحلل ويفند وينظر وكأنه سيصلح الوضع وسيطوره وبعد العضوية أصبح محلك سر بل تأخرت اللجنة وتراجعت ..ذبحونا بالتطوير!!
عبدالله المطيري-الكويت
-أصبح محل اتصالات!
*عزيزي معوكس
بعد التحية
ما أسباب خروج برشلونة وريال مدريد من دوري أبطال أوروبا.
صديقك حمد الدوسري أبو مبارك- العزيزية - الرياض
- العالمية صعبة قوية ويمكن انهم مسحورين.
«معوكس»
نايف هزازي