عواكيس

* السيد معوكس اجتماع حاسم، اللائحة موجودة، القرار سيعلن وآخرتها رفع قضية زعبيل الى الاتحاد الدولي، وين اللوائح، ويا خسارة تشخيص الاعضاء على الطاولة وشيلهم للملفات؟
منصور الراشد - الخبر
- اللائحة ضاعت بين مخرج 12 و8 وصناعية ام الحمام!
* الا تتفق معي يامعوكس ان الاهلي وقت الجد فريق ما ينشد به الظهر والا الصدر والدليل ثلاثية الاثنين الماضي؟
رامي باقاري – جدة
-اقول الله يعين جمهوره على هالمزاجية
*العزيز معوكس صراحة اني على اعصابي على الرغم من فوز (العالمي) على الاهلي 3-صفر، خصوصا اذا تذكرت فوز النصر على الوصل 3-1 وتسجيل الاهداف في المباراة الاولى عن طريق احمد عباس والثانية عن طريق لاعب وحد ايضا هو سعد الحارثي؟
رشيد القاسم - حائل
- أبد نم وكبر الوسادة
*صراحة فشلونا بعض الكتاب ومداخلاتهم ياليت يامعوكس تسوي لهم دورة في فن الحوار؟
جميل الرابغي - المدينة المنورة
- لا وبعضهم يقدم نفسه بالمستشار القانوني والشريطي!
كل الناس تداخلوا في الفضائيات الا انت يا معوكس يعني مسوي ثقيل؟
فاضل الشبيب - الارطاوية
مالي واسطة ومالي ومالي المشاكل.
* كيف تحول مذيع (خط البلدة) الى ضيف فسر لي ذلك يابو العواكيس؟
خالد القحطاني-ابها
طقها كعابي وانحاش وياهو تورط ووهق ابو عرفج قرداحي الغفلة!
* صراحة فيه برنامج يامعوكس يحوم الكبد، مذيع مطفوق وضيوف يجيبون الهم، وأسئلة ركيكة والمقدم مسوى نفسه بتال على غفلة والضيوف ناقصه يرددون (يادانا يادانا)؟
نواف الرشيدي - بريدة
- يحوم الكبد والكلاوي
*صراحة يا معوكس انا معد برامج واحب فريقي وما اختار الا الضيوف اللي على مزاجي وصراحة خائف منك تحشني والظاهر مالي الا استعين بصديق عشان يمدحني قبل ما تحشني ؟
سعد الباتعي- الطائف
صديق بدون (مساوئ)!
* هكذا هو (الذابح) يا معوكس يصوم عن التهديف ويحضر في الوقت المناسب احمد ربك انك مانت حارس مرمى كان اعتزلت؟
تمران الظفيري - حفر الباطن
ما قصر وحظه ان دربه اخضر بمباركة من عبدربه ومعاذ!
* ماذا ستفعل لو انت مشجع اهلاوي بعد ثلاثة النصر، اعتقد انك رايح تبطل التشجيع؟
المشجع الاتحادي معاذ الاخطل - ينبع
ابطل واحول لتشجيع الربيع ابرك لي!
*نصيحتي لك يامعوكس اترك الكورة وخله لاهلها، تراي شفتك تلعب دفاع وما غير يسحبونك المهاجمين؟
رمضان الخالدي- الهفوف
- ام يسحبوني ليه قال لك دفاع الاهلي!
*يابو العواكيس وانا جالس اطالع صورتك البهيه تشبه واحد سواق تريله.
بدر اليعقوب - القيصومة
- تريله محملة حديد مهرب من غلاه هاليومين!
الحبيب ابو العواكيس تحية طيبة وبعد
اقول على بلدي المحبوب ودوني ياصديقي ووين مايروح (العالمي)؟
حمد الدوسري - ابومبارك - العزيزية
على وين يا عبدالحليم تبي زعبيل والا الصناعية!
* الغالي معوكس ودي اعرف ليش الهلال في الشوط الثاني غير؟
عبدالملك المرشد - عرقة
- بلا غيرتس غير واللياقة الله بالخير
أستاذ معوكس صباح الورد مارأيك بالمستوى الحقيقي للاعب سعد الذابح وعودة سطوع الشمس؟
هاني شاكر_عبدالله العبيوي –الحفر
- عودة سطوع الشمس وريان!
* عزيزي معوكس اقترح ان تضاف جائزة لأفضل جمهور ضمن جوائز القناة الرياضية
اخوك المشجع النصراوي الوفي - لافي صالح العنزي
- الجمهور يبي له لجنة التعداد احترنا مرة 52 الف ومرة و51 والجاية 80!
* الخبير معوكس هل تعتقد أن الدغيثر يزعل إذا قيل له الدغيثر أو يبي يدغثرها في محمد نجيب؟!
- ابو سلطان طلع رجال ودائم ال(بليد) يستاهل ماجاه!