عواكيس

* السيد معوكس بعد التحية والتقدير، ما الذي يميز دوري هذا العام عن الأعوام السابقة حيث إن الأبطال الذين يتنافسون أربعة فرق إلى آخر أربع جولات ثم انحصرت بين ثلاثة؟
عبدالله - أبونايف
- يميزها التحكيم وحارس مرمى على بالي شكله معد طائرة!
* الاخ معوكس: هل بمقدرة ناصر الشمراني تحطيم الرقم المسجل باسم «ماجدونا» كهداف خارق للدوري ست مرات حيث إن الشمراني لايزال في بداية عطائه وقادر على تجاوز الرقم ستة!!
عبدالله المطيري
الكويت - عاشق حي المصيف
- لو أني رأس حربة على وقت الدفاع اللي واجهه ماجدونا كان صرت هداف العالم!
* الأخ معوكس المحترم صباح الخير والورد والياسمين
ماذا جرى لنادي النصر السعودي؟ هل الادارة أم اللاعبون، ارتفع السكر والضغط يا أخ معوكس في دوري «زين» المركز الثامن يا خسارة يا نادي النصر؟.
صديقك - صحن قايم العنزي -القيصومة
- شكل عندهم علم أن الثامن يبي يتأهل لدوري أبطال آسيا!
* اعتقد انه فاتك نصف عمرك يامعوكس مساء الجمعة في (المجلس).. صراحة ما شاهدناه وشفناه مجرد نكت توسع الصدر؟
عبدالله الشايع- تبراك
- كنه درب الزلق!
* العزيز معوكس اثر الجابر وياسر والدعيع وصوعان والسبع والحمدان في المناهج ليش ما خبرتنا الله يهديك، شكلك ناوي (سكتم بكتم)؟
فهيد المحمدي- الطائف
- سكتم بكتم وطاش ماطاش!
* واللي يرحم والديك قل للبعض يامعوكس يترك الاعلام كل يوم طالعة لنا فضيحة على الرغم من محاولات الترقيع والتمصيع؟
عبدالرحمن سالم- مكة المكرمة
- ماكلش يترقع يأبو سالم!
* الاستاذ معوكس لو كنت مخرجا او معدا ماهو اول شيء تسويه في برنامجك؟
تركي التوفيق- تبوك
- أستضيف المهايطية من نوعية أسكت..أسكت!
* حبيب الكل معوكس ماودك تترك الكرة وتشارك في رالي حائل يمكن تجي الاول قدام يزيد الراجحي؟
ثامر العبيدي – الربوة
- وانا ناقص غبار يكفي غبار الرياض اللي خلاها السنة ويكند!
* الاستاذ الكبير معوكس هل تتوقع ان يحقق النصر الفوز على الهلال ويحرز كأس الابطال.. اجب علينا بكل صراحة؟
عاشق العالمي احمد السعيد
- عقب الترقيع اللي قدام الغرافة يبي يغرف النصر من مرمى شراحيلي الين يطق بطن ابوسهلاوي!
* فاكهة الاسبوع معوكس ماذا تتوقع لمدرب الهلال هاشيك وهل يستمر ام يرحل؟
ابو عامر الرياض
- شكل واسطته قوية، قاعد والنهاية المركز الخامس وبرا الآسيوية!
* كيف الان يامعوكس المتعصبون هم من يناقش اسباب التعصب وبعدين ما تشعر ان بعض المذيعين صار (اسيرا) للبعض يستضيفون من يحبون؟
ظافر القحطاني- ابها
- مادام فيها كل من هب ودب توقع أكثر!
*الحبيب ابو العواكيس ما لاحظت أن معلق مباراة الاهلي وسباهان الايراني أزعج اذاننا ماغير صراخ من بدت المباراة حتى انتهت، وزاد عليها بالمبالغة عن الجماهير مرة مجانين ومرة مهابيل يعني اول مرة نشوف جماهير تشجع فريقها.
عبدالعزيز الصيخان-حي الفلاح
-المجنون والله انت اللي ماغيرت القناة وريحت رويسك من حراج وحده..حراج ثنتين!
* قاهرهم وحابس دمهم معوكس اذا كان هناك من اقترح بنظام قياس والتحضيرية للاعلاميين والمشكلة انهم كبار في العمر وشلون يمشي عليهم النظام
عبدالملك المرشد-عرقه
- يطبقون قياس محو الامية!
* صاحب المليون رسالة ابو العواكيس: طائرة الاهلي من زمان ومن يوم اعتزل محمد احمد ماعندهم معد، من ترشح؟
حمد الدوسري
-العزيزية
-مصطفى ملائكة!
*الصديق الوفي معوكس معقولة الهلال باقي على نهاية المباراة 30 ثانية وماقدروا اللاعبون يحافظون على الفوز
بندر العصاي-عنيزة
-الترقيع والبربسة الإدارية هذي نهايتها!