عواكيس

* حبيبي معوكس لو كنت رئيس نادي الا ترى ان الادارة وفق سياسة العين الحمراء ورفع العقال هي الانسب ام ترى ان ذلك يعيدنا الى الخلف عشرات السنين؟
عبدالله الغامدي- الباحة
- الى الخلف والله يخلف على بعض العقليات اللي ماحولك أحد!
* تحياتي لك يابوالعوكيس شفت اللي صجونا يوم مباراة الهلال والاتحاد في الدور الأول وكيف انهم تحولوا لحراس للفضيلة والمطالبة بالضرب على يد من حديد ضد العنصرية، ويوم هتفت جماهير الاهلي ضد نادي الاتحاد طأطأوا الرؤوس.. وش القصة طال عمرك؟
محمد عبدالله- جدة
- طأطأوا رؤوسهم وقبعاتهم شاءوا ام أبوا غوار وبليغ حمدي!
* الحبيب معوكس لو وضعت جائزة لافضل حكم برأيك من الحكم اللي ترشحه للفوز فيه، وممن تتكون لجنة تحكيم الجائزة؟
سعد الشهراني- ابها
- مالها عقب الجزائية الا ابوهويش لو أنها جائزة نوبل!
* بحكم انك رياضي عريق ياستاذ معوكس ولديك ثقافة عالية ونظرة ثاقبة كم تعطي من درجة لحكم نهائي الكأس بين الهلال والنصر، وهل اجاد في تأدية المهمة؟
يوسف الرشيد- الرياض
- اللي أجاد اللي سبح وطب صاروخ في خط ال18!
* الى العزيز معوكس ما الاسباب التي تجعل الاتفاق يشد في بداية الموسم ثم يعود مدحدر.. هل هناك عوامل نفسية ام ادارية ام فنية ام ماذا.. افدنا؟
راشد الدوسري- الخبر
- عوامل بيانات وتصاريح!
* ما السر يامعوكس في انخفاض مستوى نيفيز والعابد والفرج والدوسري.. معقولة البرازيلي يطير مع العجة يوم مدحوه الجماهير بعد مباراة الاتفاق في الرياض.. خبرناه عاقل ويركز على الكورة؟
فهد المحمد- تبوك
- البرازيلي ينافس سالم على الانانية!
* تحياتي يامعوكس : يقولون ان فيه ستة خبراء اتفقوا على صحة جزائية النصر في نهائي الكأس.. ياليت لو بس تعطينا منهم ثلاثة حتى على الاقل يكون لدينا النصف؟
خالد الفهد- عرعر
- يكفي الخبير المشجع المقيّم!
* متى تردد يامعوكس ياليل خبرني عن المعاناة.. واختلفنا من يحب الثاني اكثر؟ خابرينك مرهف احساس وماتقوم الميول الشعرية؟
عبدالعزيز الدوسري- الافلاج
- الى شفت بعض البرامج ومحلحلينها الحصريين!
* تحياتي لك يامستشارنا الرياضي معوكس: من اللاعب اللي برأيك يحتاج الى قرصة اذن؟
محمد الروقي- الرياض
- اللي يستعرض ويحرق أعصاب جماهير فريقه على باله ميسي!
* يقولون يابوالعواكيس ان العقل هذه الايام قايم عزها خصوصا المرعز منها.. من واقع تحليلاتك الجميلة ما الاسباب؟
ابراهيم العنزي- الجوف
- قبل الطفاية قام عزها في جبهة بعض الناس!
*صاحب المليون رسالة ابوالعواكيس تحية طيبة وبعد: وش رايك بكلام سامي الجابر بعد مباراة الشباب يوم قال أشكر اللاعبين على روحهم العالية وحنا ماشفنا روح الا انانية وكسل.
بندر العصاي-عنيزه
-يمكن يقصد لاعبي الشباب!
*خفيف الدم الساخر معوكس: وش الطاري القناة أشوفها أول مرة تنقل مؤتمر سامي كامل ظنك تنظيم جديد ولا وش السالفة.
عاشقة الموج الازرق
- شكلهم من زود الفرحة!
*قاهرهم وحابس دمهم ابوالعواكيس: يقول رئيس الهلال أن الفريق راح يرضي جماهيره ويفوز بالمباريات الست في الدوري لكن خسر من الشباب تشوف توقعاته خابت.
عبدالعزيز السعد-الشفاء
-خابت وخيب ظن جمهوره هالسنة والقادم أسوأ!
*عزيزي معوكس: وش رايك في تبريرات الكابتن سامي الجابر بعد كل خسارة ماتشوف أنها مكررة وعلى طريقة اللاعبين ماقصروا والمشوار مازال طويل
أحمد الحمد- بريدة
- ابوعبدالله أقترح عليه ماعاد يحضر المؤتمرات وينوب عنه المقدم ويقول يسلم عليكم سامي وماعنده زود على اللي قاله في المباراة الماضية!
مع تحيات معوكس وسلامتكم
للتواصل مع عواكيس
بريد الكتروني sport@alryyadh.com
فاكس 4871070